Pastors’ Conference AICS ah neih a ni dawn.

January ni 28, Zirtawpni atang khian AICS Campus Tanhril ah Pastors’ Conference neih a ni dawn a, January ni 31, thawhtan thleng a awh ang. Tun tum Pastors’ Conference ah hian Mizoram pawn a awm te leh Ram chhunga Pastor thenkhat Covid-19 hri leng avanga kal thei lo tur an awm avangin Pastor te an tel kim thei dawn lova, hriat theih chin ah pastor 120 vel an kal khawm thei tura beisei a ni.

Conference hi Pathian Biak Inkhawm leh Seminar te-in hman a ni ang a, Seminar thupui ‘Post-Covid a Kohhran nungchang leh Pastor te rawngbawl dan tur thlirlawkna’ Rev Dr. H.Lalthlamuana ziak, ‘Pastor Image chawi san lehna’ Rev. B.Zirsangliana ziak, ‘Pastor te leh Mission Rawngbawlna’ Rev. VL Sanga ziak, ‘Tunlai huna Pastor te rawngbawl dan tur’ Rev. Lalzarliana Khiangte ziak leh ‘BCM Centralization vawn nun leh inunauna tih chak’ Rev. Dr. R.Zolawma ziak te zirho tura ruahman a ni a.Tin,   Rev. LB Khawpuimawia, Rev. Dr. V.Laldingliana, Rev. C. Chhuntluanga leh Rev. Dr. C. Vanlaldika te hnen atangin Pathian thuchah ngaihthlak a ni ang.

Harsatna hrang hrang avanga Pastors’ Conference kal thei lo te tan Zoom kaltlanga chhim theih turin Conference thlengtu AICS lamin ruahmanna an siam a ni.