Pi M. Lalthanzuali leh Pi C Ngurthangi te thlahna neih a ni.

BCM Headquarters Office, Serkawna thawktu pahnih Pi M. Lalthanzuali, BD, BCM in hmeichhe theologian kan neih hmasak te zing ami, BCM Library leh Archive enkawltu – Archivist leh Pi C. Ngurthangi, UDC te chu November 1, 2020 khan an service chhiar zovin Supperannuation pension-in an chhuak ta. Anmahni thlahna hi November 2, 2020 (Thawhtanni) khan neih ani.

Pi M. Lalthanzuali leh Pi C. Ngurthangi te thlahna Inkhawm hi  BCM Hqrs. Offce Staff Welfare te buatsaihin Sap Upa leh Pu Buanga Hall, Serkawn-ah November 2, 2020 chawhnu dar 2:00 khan neih a ni a. Programme hi Upa Biakchungnunga, Office Superintendent-in a kaihruai a, Assembly aiawh, Staff Welfare aiawh leh Women’s Workers te aiawhin pension thlahna thilpek leh Citation te hlan an ni a, pension-a chhuak tur te hian thu an sawi zawhah, mi hrang hrang hnen atangin anmahni uina leh an rawng bawl tawhna avanga lawmthu sawina te ngaihthlak a ni bawk.

M.Lalthanzuali

Pi M. Lalthanzuali hi June 1, 1987-ah Kohhran-ah thawk tanin, hmeichhe Theologian kan neih hmasakte zing ami a ni a. A luh tirhin Pastor puitu niin Hnahthial Pastor Bialah a awm a, Pastor puitu a a awm lai hian nauhlan, inneihtir leh mitthi vui te a ti hman a ni. (Watch: Pi M. Lalthanzuali kawmna)

Headquarters Office-ah hian hna hrang hrang thawkin – Literature Reader, Sunday School Instructress leh BKHP Organiser hna te a chelh hnu-ah BCM Archive enkawltu – Archivist hna thawk leh in, he hna hi a  pension thlengin a thawk a ni.

Tin, Pi C. Ngurthangi hi July 17, 1987-ah BCM Office-ah LDC atan lak niin a hna a zawm a, kum engemzawzat a thawh hnu-in UDC-ah a kai a, Administrative, Pastoral, Mission leh Service Department –ah te awm in, pensiona a chhuah thlengin Education Department leh AGS Service te a enkawl a ni.