Planning Commission 2020 an thu khawm

December 5 leh 7, 2020 khan Mizoram Baptist Kohhran, Planning Commission 2020 chu Sap Upa leh Pu Buanga Hall, Serkawn-ah an thukhawm. Meeting hi BCM Planning Commission 2020 Convener Rev. F. Ramdinmawia, General Secretary-in a kaihruai.

Tun tum meetingah hian Department leh Committee hrang hrang te kum 10 chhung atana an kalphung tur leh inenkawl dan tur ruahmanna an siam leh rawtna an siam te an thlir nawn a. Heng ruahmanna hrang hrang te chu  Assembly Executive Committee, January 2021 ah thlen chhoh a ni ang a, Assembly Executive Committee-in a pawm hnu-ah Assembly 2021-ah pawmpui turin thlen chhoh leh a ni ang.

Kan tarlan tawh thin ang khan Planning Commission 2020-ah hian member 16 an awm a, Sector lian pui pui pathum – Central Sector, Mission Sector leh Service Sector-ah te thenin, heng Sector tin te hian Department chan insemin ruahmanna an siam chu an khaikhawm leh a ni.