President leh GS – Zurich lamah

Mizoram Baptist Kohhran hruaitu lu pahnih, Rev. Lalbiaksanga Chinzah, President leh Rev. F. Ramdinmawia, General Secretary te chu Baptist World Alliance (BWA) Council Meeting cum Annual Gathering, July 1-6 chhunga Suitzerland khawpui Zurich-a tel turin June 26, 2018 khan Headquarters Serkawn chhuahsanin an kal ta.

Annual Gathering-ah hian BWA hnuaia rawngbawlna peng hrang hrang-a hotute leh Region hrang hranga hruaitute an kal khawm thin a, General Council Meeting bakah Commission hrang hang thenin Discussion Progamme te an siam thin a ni. General Council hi BWA hnuaia Committee Body lian ber niin he meeting-ah hian BCM hi member kan nih angin kum tin President leh General Secretary te an kal thin a ni.

An tum dan chuan  June 28 hian Zurich panin an thlawk ang a, BWA Council Meeting July 1-6 hian an tel ang a, July 7-ah Rom, Italy lamah kualin zan an riak ang, July 8-ah Kolkata rawn thlawk chhovin ni 10-ah Kolkata ah Senate of Serampore Council Working Committee meeting-ah General Secretary hi a tel ang a, July 11-ah Kolkata atangin Lengpui-ah rawn tumin, July 12-a BCM Mission Board Meeting-a tel hman turin Lunglei an rawn tlang leh ang.

BWA Council Meeting & Annual Gathering schedule

Posted in BCM News.

admin