Pro. Pastor lakthar ten Orientation an nei mek

PP Orientation

Mizoram Baptist Kohhran, Pastoral Committee-in Pastor atâna a lâk thar mi 5 te chuan Vawiin, February 10,  2020 (Thawhtanni) atang hian BCM Headquarters Office, Serkawn-ah Orientation class an kal tan a, February ni 14 thleng Orientation hi neiin, February 16 Pathian ni khian BCM Biak In, Chanmari Vengthlang-ah Pro.Pastor atana lakluhna inkhâwm (Induction Service) neih a ni ang. Pro.Pastor atana lakluh turte chu :-

1. Joseph Liansangpuia, BCM Chanmari Vengthlang, Lunglei;
2. K. Lalrammawia BCM Salem, Lunglei;
3. Lalmuanpuia, BCM Ramrikawn, Pangzawl;
4. Lalramliana, BCM Aizawl West, Dinthar,
5. R.J. Lalnunpuia, BCM Bazar, Lawngtlai te an ni

Pastor lak tharte hian February ni 3, 2020  khan General Secretary, BCM hnenah joining report an pein an hna thar an zawm tawh a.  Pastor lak tharte hian BCM Headquarters Office zing inkhawm atangin bul an tan a, inkhawm banah General Secretary Office-ah an hna thar zawmna lehkha an thehlutin  General Secretary in fuihna thu leh thupawimawh a hrilh hnuin Coordinator, Pastoral Ministry Department in an hun hman zel dan tur a ruamhmanin a hriattir bawk.

Heng Pastor atana lak thar te hian kum thum chhung Probation Period hmangin Pro.Pastor Course an zir nghal ang a. Chumi chung chuan Pastortal Department Committee-in Posting a siam angin an awm nghal dawn a ni.

Pro.Pastor lak tharte awmna tur:
1. Pro.Pastor Joseph Liansangpuia  – Electric Pastor Bial
2. Pro.Pastor K.Lalrammawia – Lunglawn Pastor Bialah
3. Pro.Pastor R.J. Lalnunpuia – Tlabung Bial (Biala aluh hma chu Lawngtlai E Bialtu Pastor a pui rih ang)
4. Pro.Pastor Lalmuanpuian – Chanmari   Bialah
5. Pro.Pastor Lalramlianan  – Khawruhlian Pastor Bial (Vanbawng) ah (Bial-a aluh hma chu Zotlang, Aizawl Bialtu Pastor a pui rih ang)

PP Orientation