BCM hnuai a thawk lai Probationary Pastor First Year leh Second Year te chuan vawiin, October 10, khan Sap Upa leh Pu Buanga Hall, BCM Headquarters Office, Serkawn-ah Annual Exam an nei.Tun tumah hian Pro.Pastor 1st Year atangin  mi 8 in an Exam a, 2nd Year ah mi 5 in an Exam bawk.

Mizoram Baptist Kohhran, Pastoral Department chuan BCM hnuaia thawk tur Pastor a lak thar te hi kum thum chhung Probation Period an hmang thin a. Hemi kum thum chhung hian Pastor Bial-ah Practical Ministry neiin Bialtu Pastor leh Bial hruaitute kaihhruaina-in Bial-ah an awm a. Hemi chhung hian  Subject hrang hrang thlan chhuah hmangin Annual Exam kum hnih chhung an nei thin a, kum thumnaah Project Writing neiin an Project ziak chu en dik leh thin a ni. An Project ziak te pawm a nih chuan Assembly Executive Committee Meeting hmaah Interview an hmachhawn leh ang a, Executive Committee Meeting-in Ordain tura a thlan te chu Assembly 2020 ah ordain an ni dawn a ni.