Project Sunshine hnuaia thawktuten Orientation an nei.

November 25, 2020 (Nilaini) khan Project Sunshine, buatsaihin Lunglei District pum huapin Sap Upa leh Pu Buanga Hall, Serkawn-ah Orientation for I-TECH Field Staff an nei. He Orientation hi Aizawl lama Project Sunshine hruaituten an rawn neihpui a ni.

He programme ah hian hun hmasa lamah Social Concern Department Director Rev. Sangliankhuma Chinzah-in kalkhawmte lawmna thu sawiin, Project Sunshine hotute nen inhmelhriattirna a neih hnuah Nl. Rebecca LP Lalnunhlui, Project Coordinator-in BCM hnuaia Project Sunshine hmalakna leh HIV dona kawnga hma lak mek dan report te a bawk.

Orientation-ah hian Lunglei District-a I-TECH thawktute an kal tha hle a, I-TECH lam hruaitute atangin State Coordinator Pi Christina Lalrindiki te, Senior Programme Officer (Prevention) Pu Robert Lalrempuia te, Senior Programme Officer (Strategic Information) Pu H. Vanlaltluanga ten thupui hrang hrang hmangin zirtirna an pe a ni.