Project Sunshine hotute leh BCM Social Concern Department ten inkawmhona an nei.

Tunkar Thawhlehni, July 28, 2020 khan Mizoram Baptist Kohhran, Project Sunshine hotute leh Director, Social Concern Department leh thawktu te BCM Committee Room, Serkawn-ah inkawmhona leh hmalak dan tur inkawhhmuhna an nei.

He Inkawmhonaah hian Project Sunshine, Mizoram-a an hotu Pu Robert-a chuan Project Sunshine hnuaia thawktute chuan Khawtlang leh ram tana hri hlauhawm leh buaipuiawm ber HIV/AID dona kawnga an hmalak dan leh an kalphung te sawi fiahin Mizoram Baptist Kohhran nena an thawkho thei chu lawmawm a tih thu a sawi a. Thawktu lak thar te pawhin theihtawp chhuah a, tanla turin a chah a, BCM leh Social Concern Department hnuaia thawktu te pawhin theihtawpa tawiawma thawhpui turin a sawm a ni.

Project Sunshine leh BCM thawhhona atang hian HIV/AIDS dona leh vei mekte enkawlna hna thawk turin thawktu 5 lak an ni a, hengte hian an hna zawm tawhin tunah hian midang panga lak thar turin Advertisement Chhuah leh mek a ni.