Property Committee Meeting neih a ni.

Mizoram Baptist Kohhran, Property Committee Meeting August 25, 2021 khan neih a ni a, Meeting  thurel tam tak zingah Biak In hmun leh ram lei dilna lut 12 atangin dilna 8 te chu remtih a ni a, BCM sum dinhmun thlirin, ram lei tura remtih thenkhat te chu Bial leh Bank Loan te nena tang hova lei theih dan ngaihtuah ni se ti-a thu dah a ni a. Hetihlai hian tuna lei tura ruahman loh te pawh hi sum dinhmun thlir a, la en that leh tura dah a ni bawk.

Pastor Quarters sak leh repair dilna hrang hrang ngaihtuah a ni a, Pastor Quarters sak dilna lut zingah Bial 5 te dilna remtih a ni a, chungte chu – Tlabung, Thingfal, Mamit, Republic Vengthlang leh Mampui Pastor bialte an ni. Pastor Quarters repair leh mamawh dilna hrang hrang ngaihtuah ni in, hmalak dan tur ruahman a ni bawk.

General Secretary-in report-in a tarlan danin kum 2021-2022 Financial Year hman mek-ah hmun 6-ah Biak In hmun leh ram lei a ni a, Hmalakna kal mek, Hqrs. Office, BCM Hall, Guest House leh HATIM Administrative Block leh Temporary Class room sak hna thawh a ni a, zawh thawkhat a nih thu tarlan a ni a. Hna kal mek hmun 5-ah thawh a nih thu a tarlan a nih bak ah, PHE Department-in BCM Compound chhunga Ruah tui khawlna atan tuizem siam sak an tum thu leh hmalak thuai a nih tur thu tarlan a ni bawk.