Property Department Committee-in Falkland, Aizawla Ram leh In, Hlanna leh hawnna neih an rel.

Kar hmasa Zirtawpni, November 12, 2021 khan Property Department Committee Meeting, Sap Upa leh Pu Buanga Hall, Serkawn-ah neih a ni a. Meeting hi BCM President Rev, Dr. V. Laldingliana’n kaiahruaiin, Committee Secretary, Rev. F. Ramdinmawia, General Secretary-in Report tlangpui a pe. Tun tum Meeting-ah hian Kum 2022-2023 atana Property Department Plan leh Budget ruahmanna te an thir a ni.

General Secretary report tarlan zingah –Asssembly 2021 in tihhlawhtlin tura a rel te bawhzuina hrang hrang a tarlang a, Lirthei (vehicle) hlui hralh chungchang te, Ram leh Biak In hmun lei tura ruahmanna thenkhat tihhlawhtlin a nih lai in, hripui avanga sum lam harsatna venthawn ngai avanga tihhlawhtlin rih loh engemawzat a awm thu a tarlang a. Hatim Block C sak mek te, BHSS Administrative Building, NABARD suma sak mek te, Pastor Quarters 5 sak thar tura hma lak mek a nih thu te, Christian Hospital, Serkawn-a Oxygen Plan, Donation sum tlingkhawm hmanga buatsaih mek a nih thu te, Christian Hospital Serkawn Centenary Building sak kal mek te a tarlang a. Meeting hmasa-in a rel angin Property Rules & Work Manual Siam tura umzui tura ruat ten ngawrh taka an umzui mek thu a tarlang bawk.

Meeting thurel zingah – AICS hmun lei belhna, nuai 250 chu kumhlui balance atanga pek turin, Finance Committee-ah dil ni se tih te, Falkland, Aizawla ram leh in lei tawh chu December 10, 2021 hian Pathian hnena hlanna leh hawnna neih ni se tih te, Baptist Printing Press atana 4 Colour Offset lei tura Assembly-in a lo passed tawh chu lei dan kawng zawn ni se tih te a ni a. Kum 2022-2023 atana Property Department Plan leh Budget te thlirin, Finance Committee-ah thlen chhoh turin an remti bawk.