R & D-in Covid-19 dolet nan tanpuina a sem

Mizoram Baptist Kohhran, Relief and Development Department chuan COVID-19 doletna atan hma a la chhunzawm zel a.  nimin, June 4, 2020 khan Kolasib  District-a Project Target area khaw 15 ah Buhfai, Dal, Tel leh Alu te a sem a, chhung kaw 250 hnenah thilpek hi an hlan a ni.

BCM R & D hian May 30 (Inrinni) khan Church Auxiliary for Social Action (CASA) te nena thawhhona-in Migrant workers Jharkhand atanga Mizorama  hnathawk, Locked down avanga  tangkhang leh eitur harsa  Mi 31 te tan buhfai leh thildang thahnem tak an pe bawk.

Heng bakah hian  Bangladesh border-a Tlabung VLTF duty te tanpuina. Rs. 10,000/- pein Myanmar Border, Thingsai leh Cherhlun area a VLTF duty te hnen ah Rs. 20,000 an pe a, pawisa fai bakah hian – Thosilen, Silpouline,  leh Thosi hlo bur engemawzat Border area-a duty te hnenah hian a lo hlan tawh bawk a ni.