Ram tana ṭawngṭai hun hmang

Mizoram Baptist Kohhran, Lawngtlai North Pastor bial chuan 2019 Bial inkhawmpui rorel bawhzuiin January 25, 2020 (Inrinni) ni leng khan BCM Biak In, Electric Veng-ah Ram tana ṭawngṭai hun progamme an  hmang.

He Ṭawngṭai programme hi hun 2-ah ṭhen niin, chawhma dar 10:00 – 12:00 inkarah ṭawngṭai thupui duan sa hmangin hun hman a ni a, Chawhnu 1:00 – 3:00 inkarah ṭawngṭai thupui dang hmangin tawngtaina hun hman leh a ni.

He ṭawngṭai programme-ah hian bial chhung Kohhran hrang hrang aṭangin mi 100 chuang an kal khawm thei a, hun ṭha tak an hmang thei a ni. Lawngtlai North Pastor Bialah hian Tualchhung Kohhran panga, BCM –  Electric, Kanaan, Peniel, Salem leh Thingkah te an awm a, Kohhran member 2884 an awm a ni.