Ramchhung Mission School Evaluation an zo fel ta.

Mission Schoool Evaluation

Mizoram Baptist Kohhran, Planning Commission 2020-in kum sawm lo awm tur atana BCM hmachhawp leh kalphung tur Department hrang hrang zirchianna a neih mek-ah Mission Department lam pawhin hma la chho zelin a thawh thumna atan kar hmasa, November 25-29 chhung khan Rev. R. Lalthangliana, Mission Coordinator leh Rev. L.Vanlalsanga Education Director te chuan Ramchhung Mission School te tlawhin an chhuak a, November 29 (Zirtawpni) khan tluang takin an lo kir leh a ni.

Tun tumah hian School 12 an tlawh hman a, chungte chu – BBS Chawngte, Vairawkai, Chawngtelui, Nghalimlui, Bethogya, Blisora, Chamdur P-II, Mautlang, Vathuampui, M.Kawnpui, Ngengpuitlang leh Hruite zawl te an ni.

Mission Schoool Evaluation

Kan lo puan tawh thin ang khan heng an zirchianna report hi Planning Commission-ah an thlen leh ang a, an zirchianna atang hian Ramchhung Mission School te tihhmasawn dan tur duan a ni ang.

Mission Schoool Evaluation

Heti hian Ramchhung Mission School Evaluation chu zawh fel a ni ta a, karleh atang hian Rampawn Mission School Evaluation an tan leh nghal dawn a, ahmasa ber atan December 9 hian Tripura Mission Field-a School kan neih te Evaluation nei turin Headquarters an chhuahsan ang.