Rawngbawlna Chanchin dang

CMC Council Meeting-ah

Christian Medical Collage, Vellore Council Meeting’a tel turin Rev. R.Zohmingliana AGS i/c Service leh Upa Dr B. Laldinliana, Medical Superintendent, Christian Hospital, Serkawn te chu an thang mek a, Meeting hi vawiin June 28 leh 29 chhung hian an nei ang.

New Serchhip Pastor Bial hawn a ni ta:

Issue hmasa lama kan târlan tawh angin New Serchhip Pastor Bial thar chu June 23 (inrinni) khan hawn a ni ta a. Saitual Bial leh Serchhip Bial atangin New Serchhip Pastor Bial hi siam a ni.  Tarlan tawh ang khan New Serchhip Bial thara Kohhran awm tûrte leh member zât chu hetiang hi a ni.

Sl.No. Kohhran Hming Member zât
1. New Serchhip 561
2. Ebenezer, Serchhip 381
3. Elim, Chhiahtlang 84
4. Khumtung 305
5. Seling 55
6. CTI 30
TOTAL 1416

 

Tûnah hian BCM-ah Pastor Bial 84 a awm mêk a, tûna New Serchhip Pastor Bial thar nên hian Bial 85 a awm dâwn a ni. Hêngte hi Bial hruaitu tharte an ni.

 

Bialtu Pastor: Rev.R.Lalnunzira (September atangin a zawm ang)

Chairman         : Upa PC Lalremsiama, New Serchhip

Chairman Elect.           : Upa F Zothansanga, Khumtung

Secretary         ; Upa R Remmawia, Ebenezer Serchhip

Asst Secretary             : Upa C Laltanpuia, Khumtung

Treasurer         : Upa C. Laldintluanga, New Serchhip

Asst Treasurer             : Upa H. Lalduailova, Ebenezer Serchhip

 

Evangelistic Team rawngbawlna:

Kan hriat theih chinah heng ahnuaia tarlan BCM Evangelistic Team te hian rawngbawlna an nei mek a, Kohhran hoten i tawngtipui ang u.

#Invaders For God Team chuan Hrangchalkawn Kohhran Salvation Camping vawi 2-na chu an chhuak fel leh ta e. 24th June zan thleng follow-up programme hman a ni. Speaker Rbt. PL Sanglura,

#Mizoram for Christ Team chuan Hnahthialah Bazar Kohhran vântlâng Camp vawi-2-na neiin June 23 Inrinni khan an chhuak a, vântlâng Camp neih chhunzawm leh mek a ni. Speaker Upa C.Tlangmawia.

#Gospel for all Team chun Luangmualah Unit BMP pual Camp neih hnuin June 16 inrinni zân a\angin followup crusade hlim takin an hmang. June 18 (Mon) khan vântlâng camp an lût leh a ni. Speaker Upa F.Lalnuntluanga.

#Horeb Ministry pawhin Kanan Kohhran, Aizawl-ah tûn kâr chhûng khan Camping vawi 4-na an nei ve leh ta. Campers 42 an ni, Speaker, Rbt. Lalhriatpuia Chawngthu,.

#Chanhin |ha Chhuangtu Team chuan Venghlun Kohhran-ah Camping neih chhunzawm zêl a la ni bawk. Speaker Upa K.Lalenga,

#Gospel Herald Team chuan Speaker Upa Lalhuliana chhangte hovin Zemabâwk bial chhûng kohhran Airfield, Muanna Vêng, Zuangtui, Zemabâwk South, Bûngbangla leh Zemabâwk-ah te rawngbâwlna an nei mêk.

#Ebenezer Ministry Team. pawhin Phunchawng-ah Camping leh Crusade neih mek a ni. Speaker, Pi LH Vanlalmawii,

 

Posted in BCM News.

admin