Rawngbawlna Chanchin thar

#AICS-in 15th Valedictory Service:

April 9,2017 chawhnu dâr 2-hian AICS chuan Thanzinga Chapel, AICS-ah Valedictory Service an nei dawn a. Chief Gueast/Speaker-ah: Rev. Dr. Solomon Rongpi, General Secretary, CBCNEI, Guwahati a ni ang. Tûn tumah hian Graduate B.D. – 20, M.Div. – 5, Dip. In Church Music-2 an awm dawn a ni. BCM Headquarters atangin Rev. H. Lianngaia, President, Rev. F. Ramdinmawia, General Secretary, Rev. K.V. Thanga, Director W&M Dept leh BCM Choir ten an hmanpui ang.

#Parva Kohhran tlawh:

Chanmari Pastor Bial Mission Committee hmalâknain April 5-10,2017 hian Parva hmun leh hmun dangah rawngbâwlna neiin hun an hmang mek a, mi 10 vêl Bialtu Pastor Rev. ZD Rodingliana hovin an kal.

#Tripura Field tlawh:

Rev.Dr.C.Vanlaldika AGS i/c Mission leh Pu Vanlalruata Kawlni, AV Manager-te chuan Buarpui Pastor Bialah BCM Biak In, Dengsur-ah Mission Convention an neih zawhin April 3, 2017 khan Tripura Field-ah kan thawktute tlawh kual tûrin an chhuak ve leh ta.

#Mission Convention:

Zemabâwk Pastor Bial Mission Committee buatsaihin BCM Thuampui Biak Inah ni April 7-9, 2017 chhûng hian Mission Convention neih a ni a. Resource Person leh Speaker-ah Upa HL Liantluanga, Mission Promoter hman a ni.

#Thawktute hriatrengna Khualbûk:

Bru leh Chakma zînga rawngbâwlnaa lo thawk tawh, ropuina rama min kalsan ta te, Pu Siama (L), Pu Kawha (L), Rev.Lalthansanga (L), leh Rev.B.Bawlliana te hriatreng nân, BBC Headquaters, Damparengpui-ah Quaters leh Khualbûk atâna hman tûr sak tan mêk a ni. He Khualbûk hi hêng kan thawktute tu leh fate thawhkhâwma sak a ni.

#Missionry damlo te:

Pi H.Laltlanmawii, Headmistress, BMS Tuichawnga mi chu Aizawl Hospital-ah zai a ni a, hma a sâwn zêl e. Tv. David Lalremruata, E/T, chu Christian Hospital Serkawn-ah a zunkawnga lungte awm zai a ni bawk.

Camping/Crusade

# Revival Team chuan an Speaker-ah Upa T.Lalengzauva hovin BCM Lilyvêng, Chaltlangah Camping an nei mek a, naktuk (Zirtawpni) hian an chhuak ang.

#Kar hmasa lama Nehemia Prayer Mountain, Tlawng hnara Camping neih chu ni April 3-12, 2017 chhungin BCM Salem bultumin Invader for God ten nen an la chhunzawm zel. Speaker Rbt.PL Sanglura, a ni.

#BCM Maubawk-a Camping neih pawh tun kar hian chhunzawm leh a ni a, Chanchin tha chhuangtute Team ten an speaker Upa K. Lalenga hovin rawng an bawl mek.

Posted in BCM News.

Leave a Reply

Your email address will not be published. Required fields are marked *