Rawngbawlna Chanchin thar

Thenzawl Kohhrante tlawh dawn

Rev.V. Vanlalchhunga, Co-ordinator, Pastoral Ministry Department leh Rev.C. Lalbiakzama, Executive Editor te chuan July 7 leh 8 hmang hian Thenzawl an tlawh dawn a. Thenzawl khaw chhûnga Kohhran hrang hrangah hun an hmang ang. Thenzawl khaw chhunga Kohhran te hian a inchhawkin an lo ruai ve ve dawn a ni. Tehnzawl khaw chhungah hian Kohhran pali a awm  – Bethlehem Kohhran, Thenzawl Kohhran, New Jerusalem leh  Kanan Kohhran te an ni.

Communication Campaign

July 7-8, 2018 hmng vek hian Rev. LB Khawpuimawia, Communications Director leh Upa Pc Vanlalrova, Communication Dept., Committee member te chu Khawzawl Pastor bial-ah Communications Campaign nei turin an kal dawn a, Khawzawl Pastor Bial chhunga Kohhran hrang hrang te an tlawh ang a, Inkhawm Prorgamme bakah a remchan dan angin Kohhran hruaitute nen inkawmhona an nei  ang.

Arise 2018

TKP Co-ordination Committee, Aizawl buatsaihin August 3-24,2018 chhung hian ‘Arise 2018’ tih thupui hmangin Gospel Band leh Worship Dance Competition neih a ni dawn a. Hemi atan hian Aizawl khawpui chhunga TKP Unit hrang hrang te inbuatsaih mek. He Competition hi Top 10 atangin Cable TV-ah live telecast a ni ang.

Rimawi Kûtpui

Luangmual Pastor Bial, Aizawl chuan July 14-15, 2018 hian “Fakna Rimawi Kût”  Zonuam Biak In-ah an nei dawn a, FOD Director, Rev. KV Thanga leh BCM Choir ten an hmanpui ang.

Silver Jubilee hmang:

Farkawn Kohhran chuan kum 25-na (Silver Jubilee) chu July ni 3-4, 2018 chhûng khan hlim takin an hmang. Kohhran kal zêlna tûrah duhsakna kan hlân e.

 

Electirc Pastor Bial tlawh dawn

Phuldungsei Pastor Bial, Kohhran 5 atanga Kohhran leh Fellowship hruaitu mi 20 te chuan July 7-9, 2018 chhûng cham turin Electric Pastor Bial, Lunglei an tlawh dawn a, an Bialtu Pastor, Rev. Lalhruaia Chemkual hovin an lo kal ang. Electric bial an tlawh chhûng hian hetiang hian hun an hmang ang.

Inrinni zanah Farm veng Kohhran-ah hun ang hmang ang a,  Pathianni zingah Chanmari vengthlang Kohhran-ah, Chawhnu lam Inpâwlhona neih nghal a ni ang a, Pathianni zanah Gosen Kohhran-ah hun an hmang leh ang.  Thawhtanni hian Kohhran hmun pawimawhte an tlawh kual ang a, Thawhtan zanah Electirc veng Kohhran-ah inthlahna inkhawm neiin, a tuk Thawhlehni-ah an Bial lam panin an chhuak ang.

 

Evangelism Programme:

#Invader for God Team chuan BCM Dinthar, Aizawlah July thla chhûng rawngbâwlna an nei ang. Speaker, Rbt. PL Sanglura.

#Gospel For All Team chuan BCM Saron, Aizawlah rawngbâwlna an nei mêk. Speaker Upa F.Lalnuntluanga.

#Mizoram For Christ Team chuan BCM Hnahthial Bazarah rawngbâwlna an nei. Speaker, Upa C.Tlangmawia.

#Horeb Ministry Team chuan BCM Zotlang, Lungleiah rawngbâwlna a nei mêk bawk. Speaker Rbt.Lalhriatpuia Chawngthu.

#Gospel Herald Team chuan Zemabawk biala kohhran hrang hrangah rawngbâwlna an neih chhunzawm zêl. Speaker, Upa Lalhuliana Chhangte.

#Chanchin Tha Chhuangtu Team chuan BCM Venghlunah rawngbâwlna an nei mêk. Speaker Upa K.Lalenga.

Posted in BCM News.

admin