Rawngbawlna Chanchin thar

Praise Gathering

Serkawn Pastor Bial TKP chuan August ni 16, 2018 (Ningani zan) hian Baptist Higher Secondary School, Tucker Hall-ah   “Chawimawina kan hlan che’ (I Chro. 29:11) tih thupui hmangin Praise Gathering an buatsaih a dawn a.  Zaithiam leh Musician tha tak takte insâwm khâwmin Pathian Chibai bûk leh Chawimawina hun hlimawm tak hmang turin thalaite an inbuatsaih mêk a ni. Post Production hi Cable TV leh Youtube lamah en theih tura hma lâk a ni bawk.

Gospel Meeting:

Baptist Higher Secondary School, Serkawn, Junior Section chuan  Nimin, August 7, 2018 (Nilaini)  atang khan Gospel Meeting, Serkawn Biak-inah an nei a, he Gospel Meeting hian naktuk August 10,2018 (Zirtawpni) thleng a awh ang. BHSS hian Higher Section leh Junior Section pualin kum tinin Gospel Meeting hi an nei thin a, zirlai tam takin hlawkna leh piantharna changin an zir chhuah hnu-ah pawh rawngbawltu tha tak tak an lo chhuak tawh thin a ni. Tunah hian BHSS Junior Section-ah hian zirlai Nursery-Clss VIII thlengin mi 1000 zet an awm a, zirtirtu leh stff 50 vel an awm bawk a ni.


Thu leh Hla kutpui 

Bial worship&music committee buatsaihin Lungsen Pastor Bial chuan August 11-12, 2018 chhung hian Bial huap Thu leh Hla Kutpui  BCM Biak in, Lungsen-ah an hmang dawn a. Rev. KV. Thanga, Director, Worship & Music  leh BCM Choir ten he hun hi an hmanpui dawn a ni.

MYC Exposure Visit ah MTKP 

Mizoram Youth Commission chuan Mizoram a Kohhran hrang hrang Thalaite tan Exposure Visit a buatsaih a. India ram hmun pawimawh te a fanpui dawn a ni. He Exposure Visit-ah hian Mizoram Thalai Kristian Pawl (MTKP) pawh tel tura sawm an nih angin MTKP aiawhin Nl Zothantluangi Khiangte, Fin.Secretary MTKP bakah Executive Committee member pahnih C.Vanlaldintharpuia, leh Rbt. Fredy Lalrindika te an kal.

Bial TKP Inkhawmpui

Tunkar Zirtawpni zan atanga Pathianni zan thleng (August 10-12, 2018)  hian TKP Hauruang Pastor Bial chuan ‘Siamthar lehna’ tih thupui hmangin Immanuel Biak In, Hauruangah Inkhawmpui an nei dawn a.  Speaker-ah Rbt. V. Rokhawlkima, Asst. Secretary, MTKP a ni ang. Ani bakah hian MTKP Executive Committee member atangin Tv R. Lalnunthara, Resource Person (Career Guidance) leh Rbt. PC. Rosangzuala ten an telpui ang

Tleirawl Pual Meet:

Tun weekend (August 11-12) hmang hian Hnahthial Kanaan Kohhran chuan Tleirawl Pual Meet an buatsaih a, Speaker-ah Rev. Lianchhunga Khiangte, MTKP Organiser a ni ang.

Baptisma zirlai Camp:

Serkawn Kohhran chuan August 9 – 11 chhung hian Baptisma zirlai pawl te tan Salvation Camp an buatsaih a, Speaker-ah Rev. K. Lalbiakenga, Organsier, Social Concern Dept. an hmang mek. He Camp hi Inrinni-ah an chhuak ang.

Evangelism Programme:

#Ebenezer Ministry te chuan an Speaker LH Vanlalmawii hovin Mualianpui South Kohhran-ah Camping leh Crusade an nei zo ta a, July14 Ninga khian Hnahthial Model Kohhranah Camping tan leh ang,

#Mizoram For  Christ Team te chuan an Speaker Upa C.Tlangmawia hovin Bualte-ah rawngbawlna an nei mek. August ni 6 atangin Hruaitu Camp an nei a, vantlang Camp-in an chhunzawm ang.

#Mizoram Evangelical Ministry  pawhin Lungpuizawl-ah Camping buatsaihin July 31 atangin BKHP pual camping hlawhtling tak an nei a, August 6, 2018 atangin TKP pual neih leh mek a ni a, August 13 atangin vantlang camp neih leh beisei a ni. Speaker Upa R.L Thianghlima

#Thutak Puangtu Team pawhin Shalom(Lunglawn), Lungleiah Pre-camping Crusade neih tan a ni a, karleh, Thawhtan (August 13) atangin Camping neih chhoh nghal tur a ni. Speaker Upa Dengdailova,

#Gospel Herald Team chuan August 4 atang khan Sethlunah rawngbawlna an nei mek a Pre-Camp Crussade an neih zawhah August 6 atang khan Camping chhunzawm a ni. Speaker Upa Lalhuliana chhangte,

#Evangelical Revivalistic Ministry pawhin Diltlangah rawngbawlna neiin Camping vawi 2-na TKP pual chu hlim taka an zawh hnuin August ni 6,2018 khan Camping vawi 3-na an lut lehnghal a ni. Speaker Evan David H.Lallawmkima,

#Gospel For All Team pawh Leite-ah la cham chhunzawm zelin August ni 7 zan atang khan Camping vawi 8-na an neih chhunzawm leh a, Pathian hnathawh a lang chho mêk zêl. Speaker Upa F.Lalnuntluanga,

#Kross Thupuangtu Team chuan an Speaker Rbt,Vanlalengmawia Sailo hovin August ni 11-13 chhûng hian Nazaret Council Veng, Lawngtlaiah Ruihhlo ti thinte pualin hun an hmang leh dawn.

#Invader For God Team pawhin August 6 zan atanga nimin Nilai thleng khan Shalom, Mission Vengah Upa leh Rawngbawltu pual Camp an nei a, Nilai zan (9.8.18) atangin BKHP & BMP te pual an chhunzawm leh mek a, karleh Thawhlehni atanga inrinni thlengin TKP pualin camp neih a ni leh ang. Speaker, Rbt PL.Sanglura,

Posted in BCM News.

admin