Rawngbawlna Chanchin thar

Christian Hoispital Staff Retreat

Christian Hospital Staff Retreat:
Christian Hospital Serkawn chuan November 20 – 23, 2018 chhung hian Staff leh students te pualin Retreat an nei mek a, He programme tho hi Lawngtlaiah pawh zanin (November 21)atang hian an tan ang. Speaker atan Rbt. Lalhriatpuia Chawngthu hman a ni. Staff te hi batch 2 a inthenin ni hnih ve ve an hmang ang. Hetihlai hian an speaker pa Rbt. C. Thanghuma hi Hospitalah a awm mek a, Pathian hnenah tawngtaipui bawk ila.

Tleirawl pual Meet

November 24-25, 2018 hian Zobawk North leh South Pastor bial huapin Zobawk Bazar Biak Inah “Vanglai chen dan” tih thupui hmangin Tleirawl Meet buatsaih a ni a. Rev. KV Thanga, FOD & Worship & Music Director, Rev. K. Lalbiakenga, Orgniser, PAC leh Upa Saihmingliana, Salem ten an ni ang. Anni bâkah hian UK atanga lo kal nula pahnih, Serkawna awm mêk Suzie leh Debz ten an hmanpui bawk.

Centenary lawm dawn

Mizoram Baptist Kohhran, Lungpuitlang chuan tunkar zirtawpni (November 23. 2018)atang hian an Kohhran din champhaphak vawi 100-na (centenary) an lawm dawn a. He Programme-ah hian rev. LB Khawpuimawia, Comminucations Department Director chu Speaker-ah an hmang ang.

Pangzawl Pastor Bial TKP Golden Jubilee

Thalai Kristian Pâwl, Pangzawl Pastor Bial chuan November 24&25, 2018 hian Bial TKP kum 50 tlin champhaphak, Golden Jubilee, Khawngbawk Biak Inah an lâwm dawn a, Inrinni zân a\angin programme siamin hun an hmang ang a, Pathianni-ah pawh nilengin Jubilee lawman Programme hi an hmang leh dawn a ni. Jubilee thupui-ah “Krista leh Kohhran tan” tih hmangin Rev. JC Vanlalluaia, MTKP President chu Speaker a ni ang.

Evangelism Programme:

#Rev. V. lalthlamuana Bialtu Pastor, Chhipphir Bial leh a rawngnawlpui (Team) te chuan November 17-25, 2018 chhung hian Zote South Kohhran camping an nei mek a. November 26 atangin Baptist English School, Zote South pualin Gospel meeting an chhunzawm nghal ang.

#Upa K. Lalnuntluanga, editor, Baptist Today leh a rawngbawlpui te chuan tunkar zirtawp zan atang hian Zohnuai East-ah Baptisma zirlai pualin lang camp an neih pui ang. Upa K. Lalnuntluanga leh a thiante hi kar hmasa Weekend (Nov. 16-18) hmangin Rawpui Kohhran-ah Crusade neiin an lo fehchhuak tawh bawk a ni.

#Mizoram Evangelical Ministry chuan BCM Ramthar, Lungleiah November ni 19 atang khan camping an nei. Speaker Up RL Thianghlima.

#Horeb Ministry chuan 24 November atang khan BCM Farm Vengah Pre-Camp Crusade an tan, tunkar hian Camping an neih chhunzawm nghal ang. Speaker Rbt.Lalhriatpuia Chawngthu.

#LOGOS Team chuan BCM Tawipui N-1 Kohhranah Camping an nei mêk. Speaker: Andrew Lalhmachhuana Fanai.

#Krista Khawngaihte Team chuan November ni 13 atang khan BCM Thiltlangah camping an nei tan a, ni 20 atangin camp chhâwng 2-na an lût leh a ni. Speaker, Remsiampuii

#Gospel For All Team chuan November ni 19 atang khan BCM Shalom, Chawngte ‘P’-ah vântlâng camp vawi 2-na an nei leh a ni. Speaker Upa F.Lalnuntluanga.

Posted in BCM News.

admin