Rawngbawlna chanchinthar

Biak In hawng:

November ni 30,2018 hian BCM Lalnutui Biak In hawn a ni dawn a, December ni 1,2018-ah BCM Nazareth, Lungrang Biak In hawn a ni bawk ang. Heng Biak In hawng tur hian Headquarters atangin Rev.V.Vanlalchhunga, Pastroral Co-ordinator a kal.

Camping:

December 1-5 khian Lunglawn East Kohhran chuan Chengkawllui (Samuksuri) kan Missionary-te thawhnaah camping an neihpui dawn,Speaker Upa RK.Vanlalruala an hmang ang. Tin, December 3-8 hian Lunglawn YMA Branch buatsaihin Lunglawn East biak inah ruih hlo ngaite pualin camping an buatsaih dawn a, Speaker-ah Upa F.Laldinliana an hmang thung ang.

Work Camp

BCM Zotlang, Lunglei kohhran chuan December 3-8,2018 chhung hian Chakma Mission huam chhung Bolisora-ah Work Camp an nei dawn. Bolisoraah hian Missionary Pi Lalchhanhimi a awm a ni.

Baptisma chang thar

Bengal Field Field, North Bengal Baptist Church Association Inkhawmpui vawi 3-na an zo fel ve ta a. He Inkhawmpui-ah hian ringthar 4- (Rajbongshi Area ami) in baptisma an chang a ni.

Tin, November 25 Pathianni khan, MLA Para(South Tripura) ah chuan ringthar baptisma chang hmeichhia hlir mi 6 an awm bawk. He khua hi BCM Missionary Lalremsanga Sailo te chhungkua awmna a ni.

Evangelism Programme:

# Mizoram Evangilical Ministry chuan BCM Ramthar-a rawngbawlna neih zawh hnuin Dt.30.11.18 zirtawp khan Behliangchhip Zampui tlângah camping nei turin an kal. 1.12.18-ah pre camp crusade neiin camping an nei chhunzawm a ni. Speaker Upa RL Thianghlima.

# Gospel For All Team chuan BCM Shalom,Chawngte ‘P’ah camp vawi 5-na an zawh hnuin BCM Khawhriah pre-camp crusade an neih chhunzawm a, Camping an neih chhunzawm nghal ang. Speaker Upa F.Lalnuntluanga.

# Invader For God Team chuan BCM Shalom, Mission vengthlang, Aizawl a Weekend Revival Crusade an zo fel a, Dt 1.12.18 atangin Ni 16. 12.2018 thleng BCM Lungsen Hmarvengah rawngbawlna an nei. Speaker: PL Sanglura

# Horeb Ministry chuan Christian Hospital Serkawn Staff Retreat tluang takin an zo va, BCM Farmveng, Lunglei ah Camping turin Pre camp Crusade an nei tan ve leh nghal a ni. Speaker Rbt.Lalhriatpuia Chawngthu.

#Krista Tuarpuitu Team chuan Dt. 1.12.2018 atang hian BCM Lallenah rawngbawlna an nei bawk. Speaker Upa ZD Lalfinpuia.Evangelist Team rawngbâwlna neite tawngtaipui zel ang u.

Posted in BCM News.

admin