Rawngbawlna programme

Sap Upa leh Pu Buanga Thlanah Memorial Service

Hotute zin lo thleng ta:

Sap Upa leh Pu Buanga thlân, London, U.K a thlan lung phun thar hawnna leh anmahni hriatrenga programme chu tluang takin zawh fel a niin, he programme hmang kal, BCM hruaitute pawh dam takin an lo thleng leh ta.

Kan tarlan tawh thin ang khan he Programme hmang hian BCM hotu pali , President, General Secretary leh AGS pahnihte an kal a. Anni bakah hian kan hriat theih chinah Rev. Dr. PL Lianzuala(Ex-AGS), Pu V. Lalengmawia(BPP Manager), Pi Lalengmawii (G.S. nupui) leh Pu K. Lalsangate nupa Lunglei, Pu Zorammuana, Aizawl leh Pi Lalhlupuii, Lawngtlai te an kal a. UK leh US atanga he programme rawn hmang Zo hnathlak engemawzat an awm bawk.

Work Camp

Serkawn Kohhran, member 22  te chu Arunachal Far East Field, Roing khuaah Work Camp turin September 17, 2018 khan an chhuak ta. Biak in Pulpit tur siam sa kengin a hmunah an fit sak ang a, rawng an kap nghal bawk ang.  Heibakah hian Biak In ṭhutphah an siam sak bawk  dawn a ni. An tum anga an tluang anih chuan September 29-ah  Serkawn lo thleng thei tura beisei an ni.

Roing Town Bapt Church hian October 20-21, 2018 hian Inkhawmpui an dawl dawn a, heta hman theih tur hian Biak In ṭhutphah leh pulpit hi an mamawh  tawh avangin Beirual Programme lain i mahse hotute rawnin an kal ta a ni.

 

Regional Meeting 

Karleh, September 26-27 hian Kolkata Region leh Guwahati Region Joint Meeting, Guwahati-ah neih a ni dawn a. He Meeting-ah hian Region pahnihin huam chhunga Mission Field tin atangin Field Director te leh Headmaster te bakah Field Committee aiawh te an kal khawm dawn a ni. Mission Headquarters atang in Pu Lalthankunga Sailo-in a telpui ang.


KNP Meet

September 22, 2018 khan Haulawng Pstor Bial leh Mualthuam ‘N’ Pastor Bial KNP te pualin Haulawng Lamthuamthum Biak In-ah KNP Meet buatsaih a ni a. Headquarters atangi Rev. KV Thanga, FOD Director leh Rbt. B. Singpari, KNP Promoter, Nl. R. Lalramliani, Jt.Editor, Naupangte Thian bakah Serkawn KNP hruaitu engngemawzatin an tawiawm.

 

Hatim-ah Thlarau lam prog.

HATIM zirlaite chuan kar hmasa, September 14-16 khan  Upa Dr. Andrew Lalhmangaiha, Asst. Professor, AICS speaker-a hmanginThlarau lam intuaitharna (Spiritual Nurturing Programme)  an hmang a, Zirlaiten an hlawkpuiin an hlim hle.

Posted in BCM News.

admin