R&D Hman tur Motor thar Pathian hnenah hlan

President Elect-in R&D Motor thar Pathian hnenah a hlan

Assembly 2018-in a lo rel tawh angin BCM Relief and Development Department hman tur Motor thar (Bolero Campers) chu Vawiin October 18, 2018 (Ningani) dar 10:00 khan Pathian hnena hlanna Programme tawi BCM Headquarters Office kawt-ah neih a ni.He hun hi General Secretary charge la lai, Rev. R. Zohmingliana, AGS i/c Service -in kaihruaiin Rawngbawlna atana mamawh Motor thar tha tak Assembly kaltlanga R&D-in a nei thei chu lawmawm a tih thu a sawi a, a hmangtuten Pathian rawngbawlna tul apiangah tangkai taka an hman a a duhsak thu leh dim leh duat taka enkawl turin a chah a. Er. Victor Lalrinawma, BCM Property Manager-in motor lei a nih dan a sawi fiah a.  Tuna R&D Department kawl lai 202 Pcik-up chu a hlui tawh avangin Assembly-ah a hlui tih rala a thar lei dilna chu Assembly-in 2018 chuan remtiin, he motor tha tak tak hi lei a lo ni ta a a ni a ti. He Bolero Camper 4xwd hi Rs. 782,174/- a lei a nih thu a report bawk.

R&D Motor thar Pathian hnenah a hlan

Rev. Pc Liandual, President Elect-in  Pathian hnenah lawmthu sawi tawngtaina neiin Motor thar hi a hlan nghal a ni.

Rev. R. Zohmingliana chuan BCM R&D Director Pu Lalrinawma hnenah Bolero Camper thar chahbi hlanin R&D Director hian an pickup kawl lai chahbi chu AGS hnenah hian a hlan let nghal a. He 202 Pickup hlui hi BCM Property Department-in a hmanna tur emaw, a tihral dan tur emaw a la ngaihtuah leh dawn a ni.

BCM Assembly 2018-in Motor hlui tih ral leh a thar lei dilna a phalsak chu kumin atan lei kim a ni ta a, Execuitve Secretary Offfice, Lawngtlai Bolero thar te, HATIM hman tur Bolero thar leh tuna R&D hman tur Bolero camper te hi an ni a. Tin, kum hmasa 2017 Assembly-in Headquarters Office-a hman tur Gypsy lei a lo passed chu kumin kum tir khan lei fel a ni tawh bawk.

R&D Motor thar

Posted in BCM News.

admin