R&D-in Graduation Certificate leh khawl an pe.

Tunkar chhung khan Mizoram Baptist Kohhran Relief & Development Department hnuaia Youth Skill Development hnuaia Zo-clinic technician te hmalakna enfel pahin microscope leh hmanraw pawimawh dangte an semchhuak mek a, Project incharge Pi.R.Zonunsangi chuan khaw Pali – Kauchhuah, Phairuangkai, Putlungasih leh Belthei ah te hun hman a ni.

He Zo-Clinic Program hi kum 2000 atanga bul tan a ni a, tun ah hian khaw 120 chuang ah bul tanpui tawh a ni. Tin heng technician kan dah te hi uluk taka training pek an ni a , malaria detection, zun exam, injection, Bp check, venflon vuah leh drip khai thlenga training pek an ni. He Programme hi Project incharge Pi Zonunsangi Royte-in an zirlaite chu an awmna hmun theuhah tlawhkualin graduation Certificate leh Puanthui khawl hi a hlan a ni.

BCM R&D hian karhmasa khan Community Health Group hrang hrang te an lo tlawh kual tawh a.  Hrileng avangin Self Help Group member te koh khawm leh Training hrang hrang an buatsaih thinte chu tih theih a nih rih loh avangin BCM R&D chuan SHG member te chu an awmnah kal chilhin hma lak theih dan tur te an kawhmuh nghal a ni.