Lydia Project hnuaiah Pangpar siam training

November 16-17, 2017 khan Mizoram Baptist Kohhran, Relief & Development Department chuan Lydia Project hnuaiah Aizawl area a Self Help Group te tan Skill Development Training on Artificial Flower Making a buatsaih a. He training ah hian Aizawl area veng/khua hrang hrang a atangin Self Help Group aiawh mi 20 te zirtirna pek an ni. SHG member te hian tha an tiin hlawk thlak an ti hle.

He Training hi Aizawl East Bialtu Pastor Rev.Hrangaia Hmar in Devotions hmanpuiin Fuihna thu a sawi a, Pu Lalrinawma, Director Relief & Development-in Training buatsaih anih chhan leh SHG te an loan lak hman tangkai leh rulh leh chungchangahhriatt tur pawimawh te a sawi hnuah a, Practical training an  chhunzawm nghal. Training-a kal ten hlawkthlak an tiin an tangkaipui hle.

Lidya Project hi kum 2011, Janyuary 16 khan Central Church, Aizawl-ah hawn a  ni a, Baptist Union of Norway , Aisia-Pacific Baptist Federation, Baptist Church of Mizoram, Lairam Isua Krista Baptist Kohhran(LIKBK) leh Zomi Baptist Church ten Agreement sign in vawiin thlengin thawhhona tha tak nen hma an la a ni.  

He Project-in a tum ber chu Mizo hnahthlak hmeichhia te – Chin Hills, Myanmar leh hmun dang atanga Mizorama lo pem te tana hmasawnna kawng zawn sak leh an dinhmun leh an thlarau nun chawi kan a ni a. Chumi tihlawhtling tur chuan Skill Training centre te buatsaihin Self Help Group(SHG) te dinpui an ni. Tunah hian Aizawl, Lunglei leh Lawngtlaiah he project hi hlawhtling taka kalpui mek a niTraining hrang hrang te neihpuiin an eizawnna tur kawng dap sak thin a ni. SHG te hi loan pêk thin an ni a, Member-te hian an loan lâk atang hian eizawnna atân hna kawng hrang hrang an thawk a, an hlâwkpui hle thin a ni.

Posted in BCM News.

Leave a Reply

Your email address will not be published. Required fields are marked *