R&D leh Lawngtlai Area TKP te buatsaihin Siaha-ah Kristiante thlirna atanga Rilru hriselna lam leh mihring Inthlahpun tulna lam inzirtirna neih a ni.

BCM R&D leh Lawngtlai Area TKP Coordination Commitee te tangkawp chuan December 1, 2021 (Nilaini) khan Siaha Town chhunga TKP te nen Town Church biak inah “Kristiante thlirna atanga Rilru hriselna lam leh mihring Inthlahpun lam inzirtirna” (Seminar on Mental Health and Population Growth on Christian Perspective) an buatsaih.

Seminar hi hun hnih (chawhma leh chawhnu) ah then in, chawhma lamah– Tv. T. Lalrinmuana-an ‘Rilru Hriselna (Metal Health) chungchang zirtirna’ a nei a. Chawhnu hunah NL. T. Lalfawnveli (R&D)-in Population Growth chungchang zirtirna a neih hnu-ah sawihona neih zui a ni a, Seminar-ah hian tel tura beisei, Siaha Town chhunga TKP hruaitu hrang hrang te an tel tha hle.