R&D News

BCM R&D Committee Meeting neih a ni,  thawktu an la thar.

Tunkar Ningani, October 22, 2020 khan Mizoram Baptist Kohrhan, relief & Development Department Committee Meeting, BCM Committee Room, Serkawn-ah an nei.

Tuntum meeting-ah hian CASA India te thawhhona-in project Initiative of Peace & Economic Development a thawk tur Project Coordinator tur Interview neiin, Interview te atangin Nl. Bethsy Lalhruaizeli. D/o R.Lalhmingmawia, Pukpui chu lak a ni a, a ni hian November 2, 2020 ah a hna hi a zawm ang.#

#BCM R&D-in TKP Lunglawn ‘E’ Unit te Pangpar Khawi Training a neihpui.

Kar hmasa Zirtawp ni, October 16 khan TKP Lunglawn ‘E’ Unit pualin  BCM Relief & Development Department chuan Pangpar khawi Training a neihpui.

He training-ah hian Unit Secretary in Tawngtaina hun a hmang a,  Pu Lalrinawma, Director R&D in traininga kalte fuihna thu leh Department atanga training pek thin chungchang te a sawi hnuah Resource person Nl. Lalbiakengi’n Training hi a kaihruai a, training a lokal TKP member ten training hi an hlutin hlawk thlak an ti hle.#

#Mizoram Sorkar, DRDA chuan R&D Skill Training Centre tan Tuizem an siam sak.

Mizoram Sorkar, DRDA lam atangin R&D skill training centre a hman turin Tuizem 20ft diameter, 10ft height. Tui litre nuai khat (100000ltr) leng tur Tuizem  RCC an siamsak mek a. October thla chhung hian zawh hman beisei ani. Hemi chungchangah hian BCM hruaitute leh R&D Staff te an lawm hle.