R&D News

Tunhnaia ruahsur leh khawcheng avanga Tlabung tuilian tuar chhungkaw 200 hnen ah Immediate Relief Buhfai BCM R&D chuan a pe. 

Tuilian tuar te hi a hmun ah kal chilhin Bialtu Pastor leh Kohhran hruaitu te nen buhfai hi sem a ni a. Tlabung bakah Serhuan leh Kawrpuichhuah te pawh pek tel an ni.

Zotlang YMA hnenha Sylpouline pe

Heng bakah hian tuilian avanga hnatlanga thawkchhuak te thingpui in na atan Bialtu Pastor kaltlangin Rs. 5000/- pek tawh a ni a, Lunglei khaw chhunga leimin avanga harsatna tawk chhungkua leh tanpuina hna thawktu YMA te hnenah  a theih ang angin tanpuina sum fai leh sylpouline te pek chhuah reng a ni bawk.

Relief hnathawh hi thil tha tak a nih laiin intih vui vai theih a nihna chin a tam thin hle a, rualkhai taka relief hna thawh a nih zel theih nan tawngtaina in i inhre tawn reng thin ang u.

 

R&D Director, New Delhi-ah

Tunkar chhung hian Asia Pacific Housing Forum,  Habitat for Humanity buatsaih chu Delhi ah buatsaih a ni a. Hetah hian sawm a nih angin Mizoram baptist Kohhran, relief & Development Director, Pu Lalrinawm pawh a zu tel ve.

He hunah hian Affordable ahousing, WASH( Water, Sanitation and Hyegiene) leh Disaster Risk Reduction and Response chungchang zirna neih a ni a. United Nation Habitat Asia Pacific, Japan atang te, UNICEF India, Asia Disaster Preparedness centre, School of Planning &Architecture atangin mithiam tak takin zirtirna an pe bawk.

Habitat for Humanity hotute leh N.E lam chang tute nen Mizoram lama relief pek dan te sawiho na neiin, Kumin tuilian leh Leimin tuarte tanpui leh chhawmdawlna tur pawh dilna siam tawh niin bawhzui nghal a ni a, Habitat for Humanity hotute chuan theih ang anga min puih an tum thu R&D Director hi an lo hrilh bawk.

Posted in BCM News.

admin