R&D thawktute Putlungasih-ah an feh chhuak.

Tunkar Thawhlehni January 19, 2020 khan Mizoram Baptist Kohhran Relief & Development Department, Youth Skill Development hnuaia Zo-clinic technician te hmalakna enpuiin, Project incharge Pi. R. Zonunsangi hovin R&D Staff thenkhat te chu Putlungasihah an kal. Tun tumah hian Zo Clinic Techncian Training chhuak te hmalakna an enpui bakah  microscope leh hmanraw pawimawh dangte an sem nghal a ni.

He Zo-Clinic Program hi kum 2000 atanga bul tan a ni a, tun ah hian khaw 120 chuang ah bul tanpui tawh a ni. Tin heng technician te hi uluk taka training pek an ni a , malaria detection, zun exam, injection, Bp check, venflon vuah leh drip khai thlenga training pek an ni.

BCM R&D hian 2020 December thla khan Community Health Group hrang hrang te an lo tlawh kual tawh a.  Hrileng avangin Self Help Group member te koh khawm leh Training hrang hrang an buatsaih thinte chu tih theih a nih rih loh avangin BCM R&D chuan SHG member te chu an awmnah kal chilhin hma lak theih dan tur te an lo enpui tawh thin a ni.