R&D Seat-a GNM zir tur te kal ta

BCM Relief & Development Department Seat-a Christian Medical Centre,  Pithapuram, Andra Pradesh-ah Nursing (GNM) zir tur Mizoram hmun hrang hrang atangin thalai mi 19 te chu uluk taka Orientation programme hman pui an nih hnuah September 17, 2018 khan Pithapuram, Andra Pradesh panin an kal ta.

BCM R&D hian Christian Medical Centre, Pithapuram Andra Pradesh-ah hian GNM zir tur hian Seat 10 quota a nei thin a, hemi kaltlang hian thalai engngemawzat tirh an lo ni tawh a ni. Kum hmasa lamah te seat hnawh khah loha a awm thin avangin Seat 10 an neih thin chu seat 6-ah an rawn titlem a. Kum 2017 atang khan seat 10 hi dil lehin phal sak an nih angin mi 10 an tir a, kumin 2018 ah hian mi 20 tan seat an rawn pe leh ta  ni.

Hun hmasa lamah he zirna kawng hi kan hmelhriat chian lutuk loh vang te, a hlat vang leh sum sen a tam deuh avang tein Nurse zir tum ten bawh nachang an hre lutuk lo va, tunah erawh chuan he hmuna zir tur  lak sen loh an lo awm ve ta zel a ni. Tunah hian Bathch hnih zirlai awm mek in Batch khat chuan an zir zo tawh a ni.

Posted in BCM News.

admin