Relief Sunday-June 18

Tunkar Pathinni–June 18, 2017 hi Mizoram Baptist Kohhran Nipawimawh “Relief Sunday” a ni a. Mizoram Baptist Kohhran Biak In tinah he Ni pual hian Pathianni chawhma Inkhawm hun hman a ni ang. Kumin Relief Sunday Thupui chu Tanpui ngaite tanpui hi malsâwmna dawnna hnâr a ni” tih a ni ang a. Headquarters atanga Relief Sunday thuchah buatsaih Kohhran Nipawimawh Bu ami chu Kohhran tinah chhiarchhuah a ni ang.

Kum 1966-1968 lai vel khan Mizoramin hun khirh tak tak mai a tawk chho va, Mau tamin min nuai hnu lawkah Mizoram buaiin min han nang leh ta a. Chubakah tihluihnaa khawsawikhawmin kan awm a, Mizo mipuite kan mangang tak tak a ni. Heng harsatna laka min chhawm dawl turin India ram leh ram pawn thlengin Kohhran kal tlangin tanpuina (relief) kan dawng thin a. Heng tanpuina kan dawnte hi mumal taka kan sem chhuah theihna tur leh Kohhran pawhin mipui mangangte tanpuina tur thawhlawm (Relief Fund) a bika siamtha a ti ta bawk a. He chhawmdawlna rawngbawlna hi Kohhrante thinlungah tuh thar zela, uar deuh deuh a lo nih theih nan kum tiin June thla Pathianni vawi thumna zel hi he mi pual hian Kohhranin hman ni se tih a lo ni ta a ni.

Kum tinin Relief Sunday hi June Pathian ni vawi thumnaah hman a lo ni ta a ni. Chhawmdawlna hna thawk turin tunah chuan BCM Headquarters-ah chauh ni lovin Bial leh Tualchhung kohhranah pawh Relief & Development Committee chu din a lo ni ta zel a. Tangkai takin chhawmdawl ngaite chhawmdawl hna a thawk ta a ni. Hemi nia thawhlawm hi tualchhung kohhran tinin Headquarter-a thawn lovin mahni kohhranah relief hna thawh nan hman tur a ni.

………….

RELIEF & DEVELOPMENT DEPARTMENT : RECENT REPORT

  1. STAFF:

BCM, Support R&D staff Substantive – 2, Temporary – 3, BCM Contract Worker – 1, Project staff, contract-a thawk 10 an awm mek bawk. (Lydia – 2, TATA – 2). Tichuan, kan vaiin mi 10 thawktu kan awm mêk a ni.

  1. SKILL TRAINING: Hmasâwnna kawng hrang hranga hmalâkna neih zêl a ni a. Hma lêk mêkna te chu:
  • Tailoring training: He Training hi hmeichhe tân bîka buatsaih niin thla ruk course a ni a. Tûnah hian Trainee mi 8 an awm mêk a. Regular takin an zir mêk a ni. Tin, Training chhuak te hnênah hian Certificate leh Puanthui khâwl pawh hlan thin an ni bawk. Tûnah hian Chawngteah Tailoring Training hi hawn tûra hma lâk mêk a ni.
  • GNM zir tûra thalai tirh thu: General Nursing and Mid-Wifery (GNM) zir tûrin Christian Medical Centre, Pithapuram, Andra Pradesh-ah thalai 10 tirh an nih thu leh 5thSeptember 2016-ah an tan a, amaherawhchu Damlohna avângin an zinga pakhat chu a lo hâwng a, mi dang te chu tluang taka an zir zêl thu leh an class-ah pawh a ti tha pâwl an nih thu Zirtirtute hnên atanga report dawn a ni.

  1. STAFF TRAINING & TOUR PROGRAM:
  • NEIDA hnuaia Project Staff Baseline Survey Training te, Tobacco Campaign khaw 20-ah leh Health Awarenes khaw 20-ah leh SALT farm enkawl (hlothlawhna) khaw 5-ah te neih an ni a. Tin, Serthlum tiak leh Thlai chi hrang hrang te R&D Farmer’s Club khaw hrang hranga mi te hnênah sem a niin, hêng bâkah hian Mushroom Cultivation Training tûn kâr khan R&D Hall-ah neih a ni bawk.
  1. WOMEN DEVELOPMENT: Sharing Group (SHG) pâwl 20 kan neihte enkawl chhunzawm zêl an ni a. Hemi hmang hian mi tam zâwk chuan eizawnna ngêlnghet leh rintlâk zawkin hma an la mêk a ni. Tin, Lydia project hnuaia Hmeichhe tân bîka Self Help Group pawh Lawngtlai, Aizawl, Lunglei leh Champhai area-ah te din a ni a. Amaherawhchu, Area tin hi anmahniin an kal hrang tawh a, Lunglei Area-ah Group 22 ah member 220 vêl awmin an awm mêk a ni. Group te hi loan pêk thin an ni a, Member-te hian an loan lâk atang hian eizawnna atân hna kawng hrang hrang an thawk a, an hlâwkpui hle thin a ni.
  1. ZO-CLINICS: Zo-clinic, Malaria leh natna tlânglâwn endikna hmun leh damdawi pêk chhuah theihna hmun hi tûnah khaw 72-ah tha taka kalpui chhunzawm zêl a la ni a. He Zo-clinic hi mipuiten an hmang tangkai hle zêl a ni.

  1. RELIEF: Khuarêl chhiatna Tui lian, Leimin, Thli leh Rial bâkah Kângmei avânga chhiatna leh tâm tuarte thlengin kumin hian an awm leh nual a, hêng tuartute chhawmdâwl nân Local source (BCM thawhlâwm) atangin relief pêk chhuah an ni a, Emergency relief atân Silpouline leh Thosilen semchhuah a ni bawk. Hei bâkah hian Thli leh rial avânga Chhiat tâwk an tam tham deuh avângin kan Partner hmun hrang hrangah tanpuina kan dîl a, hêng atang hian Rangva, Silpouline, Thosilen leh Buhfai te semchhuah a ni a. Tin, remchân zâwkna avânga pawisa faia pêk te pawh an awm bawk. Hêngte hi Bialtu Pastor kaltlang te, Tualchhung kohhran kaltlang te leh R&D Staff te a hmuna kalin pêk an ni.
  1. VISITORS: May 4–27, 2017 khan Global Youth Volunteer Network (GYVN) Canada, mi 4 (Hmeichhia) ten min rawn tlawh leh a. R&D Office-ah min rawn châmchilhin, an cham chhûngin R&D hmalâkna hrang hrangte min en puiin min thawhpui a. Tin, Lunglei khaw chhûnga English Medium School naupangte interaction an neihpui bawk a, kan tangkaipui hle a ni. May 26, 2016 khân anmahni thlahna Programme siamin, May 27, 2016 khan min haw san a ni.
  1. HMA THAR LAKNA TUR INBUATSAIHNA:
  • Church Auxiliary for Social Action (CASA) ten nêna thawhhona thar tûrin buatsaih mêk a ni a, Kolasib District-ah thawkho tûra duan a ni a, tûnah hian thawhhona pawh peih fel têp a ni.
  1. TRAINING & WORKSHOP:
  • Kum 2011 atanga kumin thleng hian kum tin Zo-Clinic Technician Training BCM, Relief & Development Department Office, Ramzotlangah neih thin a ni a. Training chhuakte hnênah hian Microscope, BP Set leh mamawh tûl dangte hlan an ni bawk.
  • BCM, R&D hnuai Self Help Group member ho tân Champhai, Aizawl-ah leh Lungleiah te Flower Making & Arrangement Training neih a ni a. SHG management Lunglei leh Aizawlah neih niin, Food Processing te, Piggery & Paultry farming training Lungleiah neih a ni bawk.
  • Baptist Relief And Development network ( BREAD) te nêna tangkawpin Chhiatrupna lo thleng thei laka inrâlrin leh tihtlêm dân chungchâng Disaster Risk Reduction inzirtîrna neih a ni a. Aizawl, Lunglei leh Lawngtlai District ah te neih a ni.

 

Posted in BCM News.

Leave a Reply

Your email address will not be published. Required fields are marked *