Rengdil khua in leh lo rial-in a tih chhiat te tanpuina pek a ni.

Tunkar Thawhtanni, May 18, 2020 (Thawhtanni) khan Rev. Dr. R. Lalthanmawia,  Executive Secretary Aizawl Area leh Bialtu Pastor pathum leh thawktu thenkhat ten Rengdil-a rial in a den chhiat Biakin leh mimal in te a hmunah kal in an tlawh.

rengdilah BCM Relief pek a ni

Heng in chhiate tanpuina atan hian Mizoram Baptist Kohhran aiawhin Biak in leh Hall chhia te siam that nan cheng Nuai khat leh sing hnih (Rs-120,000/-) Kawrthah Bialtu, Pastor Malsawmzuala hnenah hlanin, Kohhran member inchhia te tanpui nan Kawrthah Pastor Bial Treasurer hnenah cheng Nuaikhat  (Rs.100,000/-) hlan a ni bawk.

Heng bakah hian Rengdil-a rial in a den chhiat in te tlawh nghalin tanpuina atan Y.M.A Rengdil North Branch hnenah cheng Sing sarih (Rs 70,000/-) leh Y.M.A Rengdil South Branch hnenah cheng Singthum (Rs 30,000/-) te Baptist Church of Mizoram aiawhin hlan nghal a ni. 

Executive Secretary bakah hian Bialtu Pastor pathum- Kawrthah bialtu Pastor, Rev. Malsawmzuala, Zawlnuam bialtu Pastor, Rev. Hmingthanzama Chawngthu leh Aizawl East Bialtu Pastor, Rev. Hrangaia Hmar te leh, E.S. Office Aizawl atangin Lalrozami Khiangte, Accountant leh F. Lalrammawia Production Assistant, Audio Visual Production te an kal a ni.

Tun tuma tanpuina pek bakah hian May 15, 2020 khan Aizawl Area Administrative & Development Relief atangin mimal inchhia tanpui nan Kohhran pawl bik awm lovin chhungkaw 21 hnenah cheng sing thum (Rs. 30,000) Kawrthah Bialtu, Pastor Malsawmzuala kaltlanga sem a lo ni tawh a ni.