Rev.B.Lalramhluna’n Doctorate hmu

Mizoram Baptist Kohhran hnuaia Pastor hna chelh mek, Rev. B. Lalramhluna chuan  SAIACS  (South Asia Institute of Advanced Christian Studies) Banglore atangin Missiology ah doctorate degree (Ph.D) a hmu ta a, Certificate pawh hlan fel nghal a ni. 

A chanchin tlangpui

Rev. Lalramhluna hi Bawitlung hnam a ni a, March 20,1969-ah Lungleiah a piang a, ft 5.5”-a sâng a ni. A pa chu Rev. B. Thangchina a ni a, a nu chu K. Zonâwni a ni. An unau hi mipa 3 leh hmeichhe 2 an ni a, a naupang ber dawttu a ni. April 20, 1983-ah a pa Rev. B. Thangchina’n Missionary hna a thawh laiin Tripura-ah baptisa a chantir. A piantharna erawh chu 1986-ah Zobâwk khuaa Camping an neih laiin a ni thung. Nl. Lalêngmawii nên May 20, 1992-ah an innei a, Sêrkâwn-ah Rev. Dr. P.L. Lianzuala’n a invawntîr a, fanu 3 an nei.

Zirna kawng a zawh dân:
1986 – Indian Certificate of School Education (ICSE), Bishop Cotton School, Bangalore.
1988 – PUC., Lunglei Govt College.
1989-1991 – B.Th., E.T.C. Jorhat.
1992-1994 – B.D., Serampore College.
200o-2003 – M.Th, U.T.C Bangalore.

Full-time rawngbâwlna a luhchilh hnua a hna chelhte leh a awmnate:
1991-1992 : Pro. Pastor, Hnahthial ‘S’ Pastor Bial,
1992-1994 : B.D. zirin Serampore-ah a awm.
1994-1997 : Bialtu Pastor, Thingsai Pastor Bial.
1997 – Zohnuai Assembly-ah Minister atân Rev. V.L. Zawngan a ordain.
1997-2001 : Bialtu Pastor, |awipui Bial.
2001-2002 : M.Th Study, UTC, Bangalore.
2003-2010 : Executive Editor, Comm. Dept.
2010 -2013 : Director, Christian Education Dept.

2013-2015  : Bialtu Pastor Electric Bial, Lunglei

2015 –  Further Study (Ph.D), SAIACS, Bangalore

Hnahthial South Bial-a Probationary Pastor-a a luh hian ordain minister indaih lohna avângin Bial charge a la nghal a ni. Communication Department hnuaia Executive Editor hna a chelh lai hian BAPTIST TODAY chanchinbu a bitum deuh ber.

Ama hna pual bâka a rawngbâwlnate:

Jorhat-a a zir laiin 1989-ah Jorhat TKP Secretary-ah a tang a, 1990-ah Student Christian Movement (S.C.M) Secretary a ni bawk. Kum 2007 Sunday School-a Senior B zirlaibu I Samuela Hrilhfiahna a ziak a, “From Jerusalem to Irian Jaya” tih lehkhabu a letling a, kum 2010 Beirual Thuzir “Kohhran” tih chu Rev. R.Lalchamliana nen an ziak bawk.

Rawngbâwlnaa nuam a tihzâwng chu- Thu ziak lam te, Planning leh ruahmanna siam te, constitution leh rules te Kohhran hruaitute nêna fellowship tha tak neihte hi a ni.

Posted in BCM News.