Rev. Dr. H. Lalthlamuana Associate Professor-ah hlangkai

October 15,2019 (Thawhlehni) khan Mizoram Baptist Kohhran, Board of Theological Education Committee Meeting Rev. R. Zopianga Meeting Room, AICS, Aizawl-ah neih a ni a. He Meeing-ah hian Rev. Dr. H. Lalthlamuana, Assistant Professor, AICS chu Associate Professor atan hlankai remtih a ni.

He Meeting hi BTE Chairman Rev. F. Ramdinmawia’n a kaihruai a, Secretary Rev. Dr. Vanlalchhawna Khiangte, Principal, AICS-in report tlangpui a pe bawk. Tun tum Meeting-ah hian Rev. H. Lalthlamuana Professor puitlinga hlankai thu bakah BCM-in Pathianthu zirna Institution a din AICS leh Jubilee Bible School chungchang thil pawimawh tak tak ngaihtuahin kum 2020 atana Planing leh Budget bakah AICS Phase – II Master Plan an thlirho bawk. BCM Headquarters atangin General Secretary – Rev. F. Ramdinmawia, AGS Mission-Rev.Dr.C.Vanlaldika leh Pastoral Coordinator – Rev. C. Chhuntluanga te an kal.

 

 

Rev. H. Lalthlamuana chanchin tlangpui

Rev. H. Lalthlamuana hi Upa Ngûnhlulha fapa a ni a, Hnialum hnam a ni; a nu chu Rothuami a ni a, kum 1966 June 29-ah Tawipui khuaah a lo piang a. An unau hi an rual a, mipa 5 leh hmeichhe 6 an ni a a vaiin 11 an ni. Amah hi Mizo paah chuan pa lian pâwl a tling ft 5 leh inches 7-a sâng a ni. Kum 1978-ah Rev. M. Vailinga kutah Tawipui khuaah baptisma a chang a, April 30, 1997-ah Tawipui ‘S’ Biak inah F. Laltlansângi nên an innei a. Rev. H. Sângchema’n a vawntîr a. Tûnah hian fapa 1 leh fanu 3 an nei.

Zirna lamah chuan Christian High School, Sêrkâwn-ah HSLC a pass a, Lunglei Gov’t College-ah B.A. Pachhûnga University College-ah B.A (Hons) a pass leh a. Shillong-ah NEHU hnuaiah M.A. (Geography) a zo leh a. Pathian thu zirna lamah chuan UBS Pune-ah B.D. a zo va, U.T.Bangalore-ah M.Th a pass leh a ni. Kum 2018, December 4 khan Senate of Serampore University atangin D.Th Degree a la leh a ni.

College leh University-a a zir laiin Student Union-ah a inhmang thîn a, Secretary-ah te, Vice President-ahte leh President-ahte pawh a tang ve thîn. Shillong-a lehkha a zir laiin TKP Finance Secretary-ah 1990-1992 chhûng khân a tang a. Bial Music Committee-ah 1991-ah Secretary a ni a, 1990-1992 chhûngin Zaipâwl member a ni. Pastor a nih hnuin khawtlâng thatna lamah a theih ang angin a inhmang thin a, YMA Committee te Joint Action Committee-ah te a tel thîn a ni.

Kum 1996-ah khân Probationary Pastor-a lâk a ni a, kum 2000-ah Lunglei Vênglai Baptist Biak in-ah BCM President Rev.TC. Laltlâwmlova’n Minister-ah a nemnghet a. A awm tawhna Pastor Bial leh a hna lo vawn tawhte chu hetiang hi a ni.

1. Tawipui Bial – Sept 1996-January 1997
2. Zawlnuam Bial – 1997-2002
3. Champhai Bial – 2002-2003
4. Bangalore, M.Th zirin – 2003-2005
5. Lecturer hna AICS – 2005-2014
6. JBS Dean – 2014-2018
7. Asst. Professor, AICS – 2018

Pastor hna pangngai bâkah Kohhranah nihna hrang hrang hetiangin a vuan tawh
1. Treasurer, Zâwlnuam Pastor Bial – 2001
2. Treasurer, Champhai Pastor Bial – 2002-2003
3. Chairman, Tut Thlang A.B.C – 1999
4. Assembly Exeuctive Committee member – 1998-2003
5. Assembly Nomination Committee member – 2001

Lay Leadership kaihhruaina bu an buatsaih lai khân thupui thênkhat ziaktu a ni. Tin, Hruaitu nihna tih lehkhabu a ziak tawh bawk.

Pathian vênna leh enkawlna chang hlein a in hria. He thu ziak lai (July 11.2007) thleng hi chuan vânduaina danglam tak a tâwk meuh lo. An chhûngkua pawh an hrisel a, a lâwmna ber pakhat chu a awm tawhna bial kohhran hruaitute nên hlim tak leh tha taka an thawkho thei thin hi a ni.

Pathian rawngbâwlnaa a tuina te:
1. Kohhran leh memberte enkawl leh an thlarau lam nun ngaihsak (Pastoral care)
2. Zirtîrna lam hi a tuina lam a ni.
3. Zai lam hi a tuina a ni bawk.
4. Thu ziak lam

Posted in BCM News.

admin