Rev.Dr.K.Lalrinthanga

Rev. Dr. K. Lalrinthanga hi Rev. Dr. K.T. Chungnunga leh Pi Lalbiakthangi te fapa upa ber dawttu a ni a, Khiangte hnam a ni. July 21, 1955-ah Sêrkâwn Kristian Hospital-ah a piang a, a sân lam hi ft 5. 8” a ni. Unau mipa pathum leh farnu pakhat a nei. A pa Rev. K.T. Chungnunga’n June  8, 1969-ah Baptisma a chantîr.  UBS-a B.D a zirlaiin Tripura Mission Field-a missionary thawklai Chawngthanpâri nên May 7, 1982-ah an innei a, Rev. H.S. Luaia’n Sêrkâwn Biak in-ah a invawntir. Fanu pathum an nei.

1975-1976 khân Lunglei DC  Office-ah LDC  hna a thawk a, College kal chhunzawmin 1979-ah  St. Anthony’s College Shillong-ah B.A a zo. NEHU-ah M.A. a zir laiin rawngbâwl tûra Pathian kohna a dawng a,  hnial chiah ngai lovin a zirlai bânsanin Pathian thu a zir ta zâwk a ni.

Pathian thu zirna lam:

1980-1983    –   B.D., UBS, Yavatmal.

1989-1990    –   M.Th., Presbyterian Theological College and Seminary, World Mission Centre, South Korea

2002-2006    –   Doctoral Studies (Ph.D)., South Asia Institute of Advanced Christian Studies, Bangalore.

Fulltime Rawngbâwl hna a thawh tawhte:

1983-1986    –   Teacher,  St. James School, Gongrai, Tripura.

1986            –   Chanmari Assembly-ah Rev. Dr. C.L. Hminga’n Minister atân a ordain.

1986-1989    –   Missionary Pastor, Tripura Field.

1989            –   Asst. Pastor, Aizawl Bial.

1989-1990    –   M.Th. studies, Seol, S. Korea.

1991-1994    –   Bialtu Pastor, Lungsen Bial.

1994            –   MTI-ah zirtirtu (February-June)

1994-2002    –   Field Director, A.P West Field,

2002-2006    –   Doctoral studies, Bangalore.

2006- 2007   –   Kolasib Bialtu Pastor

2007-2010    –   Home Mission Director, Hqrs. Office.

2010-2016    –   AGS, Mission. Hqrs. Office.

2016-2019   – Executive Secretary, Aizawl

A rawngbâwl hun  chhûnga thil thleng pawimawhte:

  1. BD a zir zawh hian Tripura rama BCM Mission field Committee chuan St.James School Gongarai-ah eng emaw chhûng tanpuitu atan  Pastoral Committee-ah an dîl a. An dilna chu phalsakin 1983 May thla atangin St.James School-ah chuan a thawk ve nghâl.  School-a thawk pah hian Pro. Pastor hna a thawk pah bawk. BCM hriatpui leh phalnain kum nga 5 chhung World Vision of India hnuaiah Community Development Project Manager hna  a thawk pah bawk.
  2. Tripura Field-a a awm chhûng hian Motor accident na tak a tâwk a. Thih mai hlauhawm khawpin a awm a, GB Hospital-ah dah a ni. Eng emaw chen a awm hnuah Pathian tihdamna chiang taka changin, Doctor-te mak tih khawpin a dam tha leh hma a, testimony ropui tak a chhar phah a ni.
  3. A thiannu, Pi Chawngthanpâri hi Tripura Field-a St. James High School dintu leh Headmistress a ni. Kum 10 chuang zet an thawk a, school tha tak leh ngêlnghet tak dinhmuna an hlân kai hnuin, chhûngkuaa Pastor rawngbawl hna thawk tawh turin a school chu a chhuahsan ta a ni.
  4. 1994 June thla tâwp lamah an nupa-a Apatani-ho zînga missionary hna thawk tûrin BCM Mission hotuten an sâwm a. A nupui pawh English Medium School din sak tûra sâwm a nih vângin chhûngkuain MTI chhuah sanin an kal.
  5. Apatani ho zîngah hian an rawngbâwlna a hlawhtling hle. Kohhran eng emaw zât an phun a, English Medium School tha tak, ‘Midland Education Centre’ an din a ni. He field-a an awm chhûng hian ramhuai hnawhchhuah te leh experience ngaihnawm tak tak an nei a ni.
  6. Apatani hnam zîngah kum riat an thawh hnuin an nupain Ph.D. zir tûrin 2002 khân Bangalore lam an pan leh ta a, an nupaa Ph.D degree la ve ve-in 2006 April-ah Mizoram-ah an lo chhuak leh ta a ni.
  7. Rev. Dr. K.Lalrinthanga hi Kohhran leh Pathian duhsakna avângin tum hnih lai World Mission Board of Brazilian Baptist Convention sâwmnain an Mission Convention-ah Speaker nihna a chang tawh a ni.