Rev. J. Chalhlira Pension-in chhuak

Rev J Chalhlira

Mizoram Baptist Kohhran, Pastoral Ministry hnuaia kum 29 zet a thawk tawh Rev. J. Chalhlira chu June 1, 29017 atang khan Pension-in a chhuak ve ta. BCM-a a thawh chhung hian Pastor Bial 7 a enkawl a, Aizawl-ah Bialtu Pastor pui-a awmin 1988-ah bul a tan a, Kumin April thla-ah Lengpui Pastor Bial-ah Asst.Pastor niin a hun a khar leh a ni.

A Chanchin tlangpui
Rev. J. Chalhlira hi unau pakaw zînga a pali-na a ni, an unau hi an rual a, mipa pasarih leh hmeichhe pahnih an ni. A pa hi Kaihleia a ni a, a nu chu Zothuami a ni. May 15, 1952-ah Khawlian khuaah a piang a, a pian hnu thla 6-ah Pastor Dâwnkim-an Baptisma a chantîr a. Amah hi pa vântlâng, ft 5. 5”-a sâng a ni.


A zirna leh a hnthawhte:
1976 – H.S.L.C.
1977-1978 – P. U.C.
1979 – Headmaster, Mission Middle School
1980 – Presbyterian Theo. Seminary, DehraDun-ah B.Th a zir. Churachanpur-ah Partnership Mission Society-ah Finance Dept.-ah a thawk.
BCM-a Pastor hna a thawhnate:
1988 – Aizâwl Bialtu Pastor a pui.
1989-1993 – Paithar Bial, Pathar.
1994-1999 – Thorâng Bial,
1999-2002 – Thenzâwl Bial, Thenzâwl.
2002-2007 – Lêngpui Bial, Lêngpui
2007-2013 – Zobawk Bial, Zobâwk.
2013-2017 – Zotlang Pastor Bial,Lunglei
2017 April-May – Asst.Pastor, Lengpui Pastor Bial

April 1, 1988-ah Mizoram Baptist Kohhran-ah a lut a, a nausen laia baptisma an lo chantîr chu tha tâwkin a hre lova, Baptist Minister a lo nih tâk bawk avângin ama duhthlannain Ringtu Baptisma hi chan tulin a hria a, Rev. Lâwmsânga’n a baptis leh ta a ni.

Thuhril rawngbâwlna hi a tuina ber a ni a, a talent a dawn pawh niin a hria. Misualte tâna Chhandamna thu Pathianin a Fapa hmanga a butsaih hi a Sermon tuina ber subject a ni.

Pastor nihna avânga a mawhphurhna pângngai bakah Tualchhung, Bial leh ABC ah te mawhphurhna chi hrang hrang a chelh thin. Assembly Committee leh Assembly hnuaia Department Committee hrang hrangah pawh member a ni ve thin.

Mizoram Baptist Kohhran chuan Rev. J. Chalhlira Pension thlenga hlim taka Pathian rawng bawl hna chelh thei hi a lawmpuiin a chhuang hle a. BCM hnuaia rinawm leh taima taka rawngbawlna-ah lawmthu a sawi a. A kal zelna turah duhsakna sang ber a hlan bawk a ni.

Posted in BCM News.

Leave a Reply

Your email address will not be published. Required fields are marked *