Rev. Lalbiaksanga Chinzah

Rev. Lalbiaksanga Chinzah BCM     President Elect, 2017-2018

Rev.Lalbiaksânga Chinzah hi September 4, 1952-ah Chhimtuipui District-a Paithar khuaah a piang a,  ft 5, 4’-a sâng a ni. A pa chu Niduna a ni a, a nu chu Dârsuii a ni. An unau hi mipa 2 leh hmeichhe 3, an  ni. A nu leh a pa hi an dam rei  lo va, a nu chu 1970-ah  a thi a, a pa chu  1971-ah  a thi ve leh a. Thingtlâng lo nei thîn, buh nei thei chhûngkua atanga lo piang a ni. A pu Suiluaia atangin Pathian hnêna sâwma pakhat pêk ngai pawimawha pe zêl thîn chhûngkua an ni bawk. Kum 1969 November thlaah an khua Paithar-ah Rev.V.L.Zawnga kutah Baptisma a chang a.

Kristian chhûngkuaa piang leh seilian a ni. Pathianin Chhim lam Kohhran  a pâwl thinna “Hlimna” atanga piangthar a ni. Nl. B.Lalrammawii nên February 2, 1982-ah an innei a, BCM Biak In Lawngtlai Bazâr Vêng-ah Rev. C. Rothuaman a invawntîr a, fapa 2 leh fanu 1 an nei.

Zirna lam:

1962-1966  –   Primary School Paithar-ah

1967-1969  –   Middle School Paithar-ah

1970-1973  –   H.S.L.C. Govt High School Lunglei

1974-1976  –   P.U.C.Govt College Lunglei

1976-1978  –   B.A.(Hons) St.Edmunds Coll. Shillong

1978-1979  –   M.A. (Pol. Science). N.E.H.U. Shillong

University atanga a lo chhuah hnu lawkin 1980-1982-ah Lawngtlai-ah College an din a. Principal-ah an sâwm a. 1980 (August) atanga 1982 (June) thlengin Principal-ah atang a; Lawngtlai College Principal hmasa ber a ni a, a dintute zînga mi a ni.

Pastor nih hmaa rawngbâwlna a chelhte:

1972-1973  –   T.K.P. Unit Secretary, Finance Secretary,  Ramthar Vêng Lunglei-ah

1978-1979  –   T.K.P. Unit President Shillong

1979-1980  –   Rawngbâwltu Z.P. M.B.K. Shillong

1981           –   T.K.P. Secretary, Lawngtlai Bazâr Vêng

1982           –   Rawngbawltu, Lawngtlai Bazâr Vêng

University-a a kal laiin a lehkhabu chhiar pakhat ‘The perfect will of God’ chuan a rilru a hneh hle mai a. Chumi atang chuan kum 3 chhûng zet Pathianin a nun atân leh a damchhûng hun a hman dân tûr atâna a lo ruat chu engnge ni ang tih hriat chian tumin a bei ta a. A tâwpah Full time-a rawngbâwl hi Pathianin a kohna a ni ngei tih a lo hre fiah ta a ni.

A hna bânsanin Pathian thu zir a tum ta a. Harsatna tam tak sut tlang a ngaia mahse Lalpan a duhna ang ngeia awm tûrin a lo pên chhuak ve ta a. Ama sawi dân chuan “Tûn thlengin he thilah hian inchhirna ka nei lo” a ti a ni.

Pathian Thu zirna:

1982-1985  –   B.D. Serampore College-ah a zir

2002-2004  –   M.Th (Communication) U.T.C. Bangalore.

Pastor nih hnua a rawngbawlna leh a awmnate:

1985-1987  –   Pro.Pastor, Hnahthial Bial. Lungleng

1987-1988  –   Pângzâwl Bial-ah, Sêrchhîp.

1988-1992  –   Sêrchhîp Bial,  Sêrchhîp.

1992-1994  –   West Phailêng Bial, Dinthar-ah

1994-1997  –   Lecturer, Missionary Training Institute

1998-2000  –   Secretary, Christian Education

2000-2002  –   Director, Christian Education.

2002-2004  –   M.Th.  U.T.C. Bangalore

2004-2007  –   Champhai Bial, Kahrawt Vêng.

2007-2010  –   Director, Communication Dept.

2010-2013  –   Executive Secretary, Lawngtlai Area.

2013-2016  –   Associate General Secretary, i/c Service

2016- 2017  –   Zotlang, Pastor Bial, Aizawl, BCM President Elect

A hna pangngai bâka rawngbawlna a chelhte:

  1. Serchhip Bial Chairman leh  Treasurer.
  2. Lunglei North A.B.C Chairman, 2001-2002.
  3. Assembly Assistant Secretary 1997-1998
  4. Assembly Secretary 1998-1999

Hêng lehkhabute hi a ziak:

  1. History of Christian Mission
  2. Kristian thurin zirtîrtu
  3. Homiletics
  4. A Rawngbawl hna
  5. Bible zir leh hrilhfiah dân
  6. Kohhran leh a rawngbâwl hna
  7. Ziritrna himlo chu

Rev.Lalbiaksânga hi a nu leh paten an awm lohsan hma nâ a, vânduaina bîk a chunga lo thleng ang chuan a ngai lo a, chhel takin a tuar thei a ni. Pastor hna, Kohhran enkawl hna hi a inpêkna a ni a, nuam a ti a. Kohhran than lenna leh punna te hi a ngaih pawimawh zâwng a ni. Thilpêk – sâwma pakhat hi a ngaih pawimawh êm êm thin a ni bawk a, a zirtîr reng thîn. Personal Evangelism hi a ngaipawimawh em em bawk.