Rev. Lalhmingchhuanga Jongte (L) chu Doctor of Theology hmu turin Serampore Council in a pawmpui

North India Mission, New Delhi-a Field Director hna a thawhlaia Covid-19 avanga kumin May 29 a boral ta, Rev. Lalhmingchhuanga Jongte chu a thih hnu (Posthumously) in Senate of Serampore College (University) chuan a Doctoral Thesis te uluk taka a endik hnu ah, Doctor of Theology, (Christian Counselling-ah) hmu turin a pawm. Hemi chungchang hi Senate of Serampore College rorelna sang ber Serampore Council, November 17 ah ngaihtuah lehin a pawm ve leh ta a ni.

Degree hi Serampore Convocation kumin December thla a neih ah hlan a ni ang. Serampore Council ah hian BCM aiawhin General Secretary Rev. F. Ramdinmawia bakah Council-in member atana a ruat Rev. Dr. C. Vanlaldika te an tel a. Rev. Lalhmingchhuanga, a thih hnu a Doctor of Theology hmu tura pawm a nih avang hian General Secretary chuan BCM leh Rev. Lalhmingchhuanga chhungte aiawhin lawmthu a sawi a ni.