Rev. R. Lalnunzira

Rev. R. Lalnunzira

Rev. R. Lalnunzira hi Renthlei hnam a ni a, October 3, 1962-ah Bualpui V-ah a piang a, ft 5. 4”-a sâng a ni. A pa chu Upa R. J. Lalmuana a ni a, a nu chu C. Romawii a ni. An unau hi mipa 3 leh hmeichhe 2 an ni. March 6, 1977-ah Haulawng Lamthuamthum BCM Biak inah Rev. Lalzârzova’n Baptisma a chanter a. 1989-ah Nl. B. Lalrohlui nên innein, Madanriting, Shillong BCM Biak inah Rev. C. Sâprualan a invawntîr a, fapa 1 leh fanu 1 an nei.

A lehkha zir dân:

1969-1973 – Haulawng Primary School.
1974-1976 – Govt Middle School, Haulawng.
1977-1981 – Christian High School, Serkâwn
1990 – Shillong College-ah B.A a zo
Pathian thu a zir hmain Middle School-ah zirtîrtu hna a thawk.

Pathian thu (Theology) zirna:
1991-1994 – B.D., Serampore College
2006-2008 – M.Th., UTC, Bangalore
Pator nih hmaa rawngbâwlna chelh tawhte:
1983-1987 – Shillong Madanriting TKP Unit Hruaitu & Zaipâwl Conductor a ni
1988-1990 – Haulawng Lamthuamthum Unit TKP Secretary
1989-1990 – Haulawng Pastor Bial TKP Secretary Full-time-a rawngbâwlna leh a awmnate:
1994-1994 – Pro. Pastor, Haulawng Bial, Haulawng
1995-1998 – Pro. Pastor, Lungrâng Bial, Lungrâng
1998 – Chanmari Assembly-ah Minister atan Rev. F. Lalchungnungan a ordain
1998-1999 – Bialtu Pastor, Lungrang Bial.
1999-2001 – W. Phailêng Bial, W. Phailêng
2001-2006 – Sêrchhîp Bial, Sêrchhîp
2006-2008 – M.Th. Study, UTC, Bangalore
2008-2009 – Lecturer A.I.C.S
2009-2010 – ZPMBK Pastor Bial
2010 – 2018 Secretary NEICC, Shillong
2018-2019-Bialtu pastor, New Serchhip Pastor Bial

A hna pangngai bâkah Tut thlang ABC Chairman (1999) leh Sêrchhîp ABC Chairman (2004) a ni tawh. Sunday School Intermediate zirlai bu kum 1-3 thleng a ziak tawh bawk. Khawtlâng thilah chuan a phâk tâwkin YMA member a ni ve thîn. Rawngbâwlnaah chuan Naupang zînga rawngbâwl hi a tuina a ni.

Hun lungchhiatthlak tak leh manganthlak takte a tawk tawh a- Kum 1999-ah B.D. a zir laiin a nuin a boralsan a, a nupui hi vawi 7 Major Operation-a zai a ni tawh a. Doctorte beidawn hnuin kohhranhote tawngtaina avângin Pathian tihdamna ropui tak a chang a ni.