Rev. R. Zohmingliana

Rev. R. Zohmingliana hi Renthlei hnam a ni a, February 6, 1957-ah Lungmawi khuaah a piang a, ft 5. 7½”-a sâng a ni. A pa hi Upa R. J. Lalmuana a ni a, a nu chu Chalhliri a ni. An unau hi mipa 3 leh hmeichhe 2 an  ni. Kum 1972, March thla-ah  Haulawng Lamhuamthum-ah Rev. Lalzârzovan Baptismaa chantîr.  July 4, 1984-ah Nl. C. Lâwmkimi Lunglâwn khua nên an innei a, BCM Haulawng Lamhuamthum Biak inah Rev. R. Zopianga’n a invawntîr a, fapa 4 an nei.

Zirna kawng a zawh dan:

1976            –   HSLC.,  Christian H/S, Serkâwn.

1978-1982    –   B.Th, E.T.C., Jorhat

1989-1991    –   B.D.,  Serampore College.

Kum 1972 September thlaah piantharna a chang a, 1975-ah Pathian thlarauva harhna a chang thar leh a. H.S.L.C a zawh hnuin Pathianin a rawngbâwl tûra a kohna chu a chhâng a, Kohhranin Pathian thu an zirtîr ta a ni.

Pastor hna a thawh tawhna leh a awmnate:

1982-1984    –   Pro. Pastor, Hauruang Bial.

10. 3.1985    –   Ramthar veng Assembly-ah Rev. Dr. C.L. Hmingan Minister-ah a ordain.

1984-1989    –   Bunghmun Bial, Bunghmun.

1989            –   Hnahthial Bial, Hnahthial.

1989-1991    –   Serampore-ah B.D. a zir.

1991-1996    –   Buarpui Bial, Buarpui

1996-2002    –   Haulawng Bial, Haulawng

2002-2009    –   Bazâr Bial, Lunglei Bazâr

2009-2012    –   Electric (Lunglei) Bial, Electirc Veng.

2013-2015  –  Coordinator, Pastoral Ministry

 

A hna pângngâi bâkah heng rawngbâwlnate te hi a chelh tawh-

1.    Bial Chairman um 2 .

2.    ABC Chairman-ah vawi 4

3.    MTKP President-

4.    Assembly Committee hrang hrang leh Department      Committee hrang hrangah member nihna eng emaw zat a chelh tawh.

Rev. R. Zohmingliana hi vanduaina leh harsatna tam takin a delh reng tih mai tur a ni. Amah hian lung (heart) problem a neih avangin vawi tam tak a buai phah tawh a. Thisen sâng avânga harsatna a tawk fo bawk. A thiannu, Pi C. Lallawmkimi hi taksa bawrhsâwmnain hun rei tak a tlakbuak a, kum 2000 hnu lamah phei chuan an inah aiin Hospital-ah a awm tam zawk ang tih mai tûr a ni. Thih mai hlauhthawnawmin a awm fo thin a, 2011-ah khan a pasal leh a fate chu chatuan ram panin a kalsan ta nge nge a ni. Heti chung hian Rev. R. Zohmingliana hian a rawngbâwlna bahlah phah turin chhuanlam a siam ngai lo. Heng harsatnate hi patling takin a pal tlang zêl thîn.

One Comment

  1. Pingback: BCM General Secretary thar-Rev.F.Ramdinmawia | Baptist Church of Mizoram

Leave a Reply