Ruihhlo a kaihhnawih chungchang zirhona nei

Kar hmasa Inrinni, March14, 2020 khan Rahsiveng Pastor Bial buatsaihin Ruihhlo chungchanga inrawnkhawmna, BCM Biak In, Rahsiveng-ah neih a ni. He hunah hian Mizoram Police Department te, Excise & Narcotic Department te, Executive Magistrate  leh Advocates te, Lunglei Medical lam hotute  sawmin thusawina hun pek theuh an ni a, hranghlui zaithiam Pi Lallawmzualai Ngente leh Pi Lalenkawli Pautu te an zai bawk.Chawhma lamah Upa C. Lalzuiliana, Chariman, Rahsiveng Pastor Bial-in a kaihruai a, Judicial Magistrate, Police department, Excise &

Narcotic  Department leh Ukil te hnen atangin Ruihhlo leh a kaihhnawih chanchin tlangpui leh Mizoram leh Lunglei dinhmun te tarlangin an hma zawn theuha hna thawh dan tlangpui an sawi a, Pi Lallawmzualai Ngente in fakna hla a sa bawk. Thusawi zawhah zawhna leh chhanna hun hman zui nghal a ni.

Chawhnu lamah Bial Secretary – Upa K. Lalsangliana’n inkawmkhawmna a kaihruai a,  Dr. SR Ngurchamliana leh VCP Rahsiveng te hnen atangin thusawi ngaihthlak chhunzawm a ni a. Pi Lalenkawli Pautu-in fakna hla a sa bawk. Thusawitute thusawi atangin Zawhna leh Chhana hun te hman chhunzawm leh a ni a, hun tawp lamah Upa K. Lalhmingthanga, Asst.Secretary Rahsiveng Bial-in lawmthusawiin, Rev. C. Lalhungliana, Bialtu pastor-in tawngtaiin inkhawmhona a khar a ni.

Leave a Reply