May 11, Nilaini khan BCM Hall, Serkawn ah School of Nursing, Christian Hospital Serkawn Lamp Lighting Ceremony leh Graduation Service hman a ni. Inkhawm hi Upa Dr. Lalramzauva, Director, Medical & Health Department- BCM in a kaihruai a, Rev. C. Lalrochama, Chaplain, Christian Hospital, Serkawn-in hunserh hmangin, Pi Hmingthanmawii Pachuau, Principal, School of Nursing, Christian Hospital-in GNM batch thar te hmelhriattirna leh Nursing School report tlangpui a pe.
Pi Lalchangliani Sailo, Tutor-in zirlai lut thar mi 20 te lukhum a khum tir a, Zirlaiten thutiam an sawi rual zawhah training tura lakluh an ni. Graduation Service neih zui nghal niin Chief Guest Rev.Dr.R.Zolawma, President in Graduate thar mi 21 te hnenah Certificate a hlan a, General Secretary Rev. R. Lalbiakliana’n zirlai ti thate hnena pek thin Award hrang hrang hrang a sem.
Rev. Vanlalmuankima, Director Pastoral Ministry Department-in Zirlai lut tharte leh Graduate thar te tana tawngtaisakna a neih hnuah, Chief Guest hnen atangin thuchah ngaihthlak a ni.
Graduation Service ah hian Rev. R. Lalnunzira, AGS-Service pawh-in thuchah tawi a sawi a, Faculty aiawhin Pi Vanlalthlengliani, Vice Principal leh Graduate thar te aiawh in Lalrindiki Fanai in thu an sawi bawk. Rev. R. Thanmawia, Bialtu pastor, Serkawn Pastor Bial-in Malsawm tawngtaina in inkhawm hi a khar a ni.