Serkawn Pastor Bial TKP Meet neih a ni.

May 6 – 8, 2021 khan ‘Krista tana Danglam ngam’ tih thupui-a hmangin Serkawn Pasdtor Bial TKP Meet, BCM Biak in, Serkawn-ah neih a ni a, Speaker-ah Rev. Dr. R. Lalthanmawia, AGS – Mission hman a ni.

TKP Meet hi Zirtawp zan, Inrinni Zan, Pathianni Zing leh zanah te Pathian Biak Inkhawm neiin, Special Item hrang hrang – Zaipawl, Grooup zai leh Malzai te a awm thin a, Speaker-in thuchah tha tak tak sawiin, Thalai ten hlawkthlak an ti hle. Inrinni chhunah BCM Mual Serkawn-ah Infiamna chi hrang hrang neiin hun an hmang a, Pathianni chawhnu-ah Fellowship neiin hun an hmang bawk.

Serkawn Pastor Bialah hian TKP Unit pang – Zohnuai, Zohnuai  East, Serkawn, Ramzotlang leh Khawiva unit te awmin TKP member 1549 an awm mek a ni.