Shillong-ah Biak In hmun lei ta

Shillong Kohhran pahnih hruaitute

Shillong hmun bîkah hian hun rei tak atang tawh khan BCM hian Biak In nei lovin Mizo Biak In tia kan hriat thinah kan unau Presbyterian te nên inkhâwm hun insiam remin kan lo awm tawh a. A hranpaa inkhâwmna tûr Biak In hmun hi Assembly 2012-in zawn ni se a lo tih angin zawn a ni a. Tûnah hian Shillong hmun laili tak Jingkieng-ah Biak In hmun lei tûr hmuh a ni a. Lei tûrin Local committee thuneitute hnên atangin phalna (No objection) neih a ngai a, phalna chu Local Committee hnên atangin hmuh a nih veleh ram neitute leh Local Council hruaitute nen Ram lei phalna leh hralh phalna (Sales Deed) chu September 1,2017 khan ziak fel a ni ta a. Hemi ni vek hian Shillong Mizo Baptist Kohhran  leh  Shillong Mizo Kohhran chuan inremna thuthlung an sign vel leh nghal bawk.

Inremnah hian BCM hian an ram lei tharah hian Biak In an sa nghal ang a, kum 3 chhunga sak zawh hman an tum ang. Luah theih a nih veleh Shillong Mizo Kohhran Biak In hi an chhuahsan ang. Shillong Presbyterian lam hian Mizo Biak In chu an rochun thung ang a. Shilloing Presbyterian hian Shillong Baptist Kohhran Biak In hmun leina leh sak tanpui nan cheng nuai 300 an pe ve nghal a ni. Kohhran pahnihte inremna an ziak tak avang hian Court Case pawh hnuhdawh(withdrawn) nghal a ni bawk.

Hemi rul hian Kohhran pahnihte aiawhin Thuchhuah intawm (Joint Press Statement) an siam nghal a ni.

Posted in BCM News.

Leave a Reply

Your email address will not be published. Required fields are marked *