Pastor Quarters thar 2 hawng

Shillong Baptist House / Pastor Quarters thar, kumin January thlaa sak tan chu zo felin, nimin, June 21, 2017 khan BCM General Secretary, Rev. F. Ramdinmawia’n Pathian hnenah hlanin a hawng ta.

Baptist House sak thar hawnna Inkhawm hi Rev. R Lalnunzira, Shillong Pastor Bial Chairman-in a kaihruai a, Upa Sailothanga Sailo, Bial Secretary, Shillong Pastor Bial-in Report pe-in Rev. Dr. K. Lalrinthanga, Executive secretary, Aizawl leh Rev. F. Ramdinmawia, General Secretary ten  thu an sawi a. Rev. R. Lalrintluanga, Bialtu Pastor, Shillong Pastor Bial-in lawmthusawina neiin Rev Joseph Vanlalruata, Regional Director, Guwahati-in Malsawm tawngtaina-in Inkhawm a khar  ani.

Shillong Baptisat Pastor Quarter leh Guest  Room thar hi tuna Baptist House luah lai chhawng chung chung ber sak nan hian Rs. Nuai 37 vel hman ral a ni a. Pastor Quarter bakah Guest room (Cabin) pathum a awm nghal a ni.

Mission Vengthlang Pastor Quarters
June 19, 2017 tlai dar 4:00 khân Mission vengthlang Pastor Bial, Aizawl, Pastor Quarters cheng nuai 48 sênga sak chu Rev. F. Ramdinmawia, Gen.Secretary hian a lo hawng tawh bawk. Missionvengthlang pastor Quarters sak nan hian Headquarters atanga tanpuina an hmuh cheng nuai 10 bâk zawng chu Bialin theihtâwp chhuahin nikum 2016 January atanga sa tanin tha takin an zo thei ta a ni.

Posted in BCM News.

admin