Sorkar-in BCO tanpuina ti tawp !

Mizoram Baptist Kohhran rawngbawlna peng pawimawh tak pakhat, Nau hnuchham enkawlna (Baptist Church Orphanage(BCO) chu Mizoram sorkar-in  kum nga dawn lai tanpuina a lo kalpui hnuin Mizoram sorkar lam hotute chuan September 2018 atang khan Sorkar atanga tanpuina an pek thin chu an chhunzawm theih tawh loh thu phone in an rawn hriattir.

Hemi chungchangah hian BCO Manager, Upa MS Dawngliana chuan “Nau Hnuchham  enkawlna tul leh mamawh hrang hrangah te Sorkar lam nen thawkhova,  tanpuina pawh dawng chhunzawm zel turah inngaiin BCM chuan budget a lo siam lawk si lova, BCM hruaitute pawh an buai ru hle. Sorkar lamah theih tawpa nawr ni mahse tanpuina hi thla riat dawn lai dawn a nih tawh loh avangin Tawngtai leh thil peka tan lak thar a ngai hle dawn a ni” a ti.

Tunah hian BCO-ah hian nausen thla khat atang a kum hnih chin mi 15 enkawl mek an ni a, naupang lut leh chhuak an awm reng avangin naupang awm zat hi a danglam fo thin. Tunah hian Nau Hnuchham/naupang 20 vel enkawl theihna turin ruahmanna kalpui mek a ni.
………….
(Reflection of this Post @ 03:00p.m)
Tun maia Sorkar lam atang thu kan dawn danin, BCO Central support fund tawp chungchangah Niti ayok a register tlai vang ani tih kan dawnga, BCO tiam lovin Home 10 dang pawh support fund hi dawng lo an awm a. Tunah hian state lam hotute chuan theih tawp chhuahin min buaipui mek ani. Beiseina nen i thlir zel phawt ang u.
-Ms Dawngliana, BCO Manager

Posted in BCM News.

admin