South Vanlaiphai kohhranin Thlai thar kut an hmang

September 6, 2020 khan, Mizoram Baptist Kohhran, S. Vanlaiphai chuan kum tina an tih thin danin Thlai thar kut hlawhtling takin an hmang.

He Thlaithar kut hi Pathianni chawhm, Inkhawm hun pangngai ang, zing dar 10 hmain chhung tinin thlai thar hlan tur an neih ang ang te biak in verandah-ah an dah khawm a. TKP ten ruahmanna fel tak siamIin an chhep fel vek a, dar 10:30-ah kohhran chairman elect-in Pathian hnenah hlanin a tawngtai a, an lilam chhunzawm ta a ni.

Tun tumah thlai thar kut ah hian thlai chi hrang hrang (item) 40 vel an thawh khawm bakah, lui lam sa chi hrang hrang, chengkawl, chakai, leh dil sangha te, khuai no, Zo-ar, broiler leh cake te a tling khawm a. Heng zawng zawng atanga an sum hmuh hi  Rs.44,720 a ni.