Souvenir leh MTKP 2019 Theme Song tlangzarh

Rev.Dr.CL Hminga’n Souvenir a tlangzarh

September 28, 2018 (Zirtawpni) :

Vawiin, Septembber 28, 2018 chawhma dar 10:00 khan Sap Upa leh Pu Buanga Hall, Serkawn-ah Mizorama Chanchin Tha lo thlen champhaphâk vawi 125-na (Mizoram Gospel Quasquicentennial) lawmna Souvenir leh MTKP Inkhawmpui 2019 Theme Song (Music Video)- “Lalpa Hmangaihna” BCM Choir sak  chu  Rev. Dr. CL. Hminga’n a tlangzarh.

 

 

BCM Choir 2016-2019

Tlangzarh Inkhawm hi Nl. Laldinkimi Khiangte, BCM Choir-in a kaihruai a. Pu.H. Lalthangliana,Vice President, MTKP-in Pathian hnena inkawltirna hun serh a hman zawh hnu in Rev. Lianchhunga Khiangte, Organiser, MTKP leh Mizoram Gospel Quasquicentennial Celebration Secretary ni bawk-in Souvenir an buatsaih dan leh Item hrang hrang te sawizauna a neih hnuah tun hnaia rawn lar chho mek TKP Farmveng Unit, Acapella ngaihtlak a ni a. Rev. Dr. CL Hminga’n Mizoram Gospel Quasquicentennial Souvenir hrang hrang – Pen, T.Shirt, Mug leh Wall hang scroll banner te tlangzarhin Pathian hnenah a hlan.

Quasquicentennial Souvenir te tlangzarh zawh hian Mizoram Thalai Kristian Pawl (MTKP) Inkhawmpui February 14-17, 2019 Tlabunga neih tur atana Theme Song Music Video ‘Lalpa Hmangaihna’ tih hla, BCM Choir sak chu tlangzarhna programme-in chhunzawm a ni a,  BCM Choir Conductor, Pu David Lalremruata’n Music Video chungchang sawizauna a neih hnu in BCM Choir-in thiam takin hla an sa a, hemi zawh hian  Rev. Dr. CL Hminga’n he Music Video hi a tlangzarh.

He Release Function-ah hian BCM General Secretary, Rev. F. Ramdinmawia pawhin thu sawiin, Souvenir  leh Music Video buaipuitute avangin lawmthu a sawi a, Mizoram Quasquicentennial 2019-atana inbuatsaihna hrang hranga mawhphur tura  ruat, MTKP te hmalakna chu ropui a tih thu leh hmabak tih tur la awm apiangah thatho leh phur taka ti zel turin a fuih a, Malsawm tawngtaina  in inkhawm tin  a ni.

MTKP 2019 Theme Song tlangzarh

Tarlan tawh thin ang khan,Mizoram Quasquicentennial Souvenir hi thil chi hrang hrang, Pen, T-Shirt, Banga khai mawi (Wall hanging banner scroll) leh No (Coffee mug) te siam a ni a. A siamnaah hian a theih chin chinah Kohhran mite dâwr an ni. BCM Assembly-in mawhphurhna a pêk angin TKP ten Kohhran hrang hrangah an rawn zuar dawn a ni, hetiang hi Item hrang hrang man zat a ni:-

Quasquicentenial Souvenir Man

 

 

Posted in BCM News.

admin