Sunday School Kum Chanve Exam neih a ni dawn lo.

Kar hmasa zirtawpni April 30, 2021 a Christian Education Department Committee Meeting chuan BCM Sunday School kum chanve exam chu neih loh mai ni se tiin a rel.

Kum 2021 Sunday School Kumchanve Exam hun atan hian June 27 lo ruat tawh leh Kohhran Calendar-ah pawh tarlan tawh a ni a, hetihlai hian Covid-19 second wave avangin Kohhran Inkhawm leh Sunday school te neih mumal theih a nih leh tak loh avangin Sunday School Kum chanve exam pawh hi neihloh mai ni se tiin a rel ta a ni.

Hetih lai hian TV leh Youtube kaltlanga Sunday school zirlai pekchhuah thin chu chhunzawm zel ni sel an ti a, hemi atana tualchhung kohhran hrang hrang Sunday school zirtirtu te inpekna avangin committee chuan lawmthu a sawi a ni.