Sunday School Programmes

Sunday School Training

Sunday School Training Buatsaih.

#Tunkar Inrinni leh Pathianni February ni 22-23 hmang hian Zemabawk Pastor Bial huapin BCM Zemabawk-ah Sunday School zirtirtute pual-in Sunday School Training an nei dawn a, Headquarters atangin Upa J. Lawmsanga, Sunday School Trainer chu Resource Person-in a kal a, Inrinni nilengin Training hi neih a ni ang a, Inrinni zan atanga Pathianni zan thlengin Bial chhung Kohhran hrang hrangah Sunday School Campaign neiin thuchah a sawi bawk.

Sunday School Training

#February 15 leh 16 chhung khan Phawngpui North Pastor Bial huapin Sunday School Training buatsaih a lo ni tawh bawk a. He hunah hian Headquarters atangin Rbt. B. Singpari, Sunday School Promoter leh Upa J. Lawmsanga, Sunday School Trainer ten Training kaihruaiin, Pathianni-ah Kohhran hrang hrangah Sunday School Campaign an lo neih tawh bawk a ni.

 

Lawngtlai East Pastor Bial-in Sunday School zirtirtu pual Retreat an nei.

BCM Lawngtlai East Pastor Bial Sunday School Committee buatsaih-in Kar hmasa Inrinni nileng khan BCM Biak In, Immanuel-ah Sunday School Zirtirtute pualin Retreat neih a ni a. Bial Sunday School Chairman Upa L. Engliana’n hunserh hmang in bul a tan a. Resource Person-ah Bialtu Pastor  Rev.Laltanpuia Colney hman a ni.

Resource Person hian “Sunday school hi Kristian te tan chuan zirna in pawimawh tak ani a, chuvangin zirtirtute pawhin a pawimawhna kan hriat a ngai a, khawvel zirtirtu ten thiamna leh finna an pek bak piah lamah keini chuan chatuan nunna kawng an zawh theihna tura kawng kawhhmuh tu kan nih avangin a hlutna leh pawimawhna hi kan vawnnun zel a pawimawh tak zet a ni”, a ti. “BCM Sunday School in kan thupui “Zir la, nunpui rawh”, tih hi zirtirtu te pawh hian kan chhawm nun zel a ngai ani”, a ti bawk.

He hunah hian Bial chhung Kohhran hrang hrang atangin Sunday School zirtirtu 72 an kal khawm a. Lawngtlai East Pastor bialah hian Kohhran 5 – BCM Bazar, Immanuel, Vengpui, Nazareth, Zion an awm a ni.

 

Lawngtlai South Pastor Bial-in  Sunday School Consultation an hmang

February ni 15 (inrinni nileng) khan Lawngtlai South Pastor bial huap in Sunday School Consultation, BCM Bethel-ah neih a ni a. He Consultation-ah  hian Resource Person-ah Upa M.Thansiama, Sunday School Trainer, BCM chu hman a ni a, Bial chhunga Kohhran hrang hrang ațangin mi 120 chuang an tel thei a ni.

He consultation-ah hian sawmna danglam tak siam a ni a, mi 59-te’n “Pathian tanpuina in kum 2020 chhungin Sunday School kaltlangin Thlaraubo pakhat tal Krista hnenah ka hruaithleng ang” tiin sawmna an chhang a, mi 17 ten “Zuk leh hmuam ka nghei ang” tiin sawmna an chhang bawk a ni. Tlai lamah a dawltu tualchhung Kohhran BCM Bethel-te’n ruai an buatsaih an kil ho nghal a ni.

Resource Person Upa M. Thansiama hian Inrinni zan, Pathianni zing leh zan inkhawmah Bial chhunga tualchhung Kohhran hrang hrangah hun a hmang chhunzawm nghal a ni.