Sunday School Seminar neiin an feh chhuak dawn

Tunkar tawp Inrinni leh Pathiani hmang hian  Bial hrang hrang Pathum, Luangmual BIal, Parva Bial leh Lungchem Bial-ah te Sunday School Seminar neiin  Christian Education Department hotute leh Sunday School Trainer te an feh chhuak ang.

April 10-11, 2021 hmang hian Luangmaula Pastor Bial Sunday School Seminar, BCM Biak In, Gilead, Tanhril-ah Bial chhunga Sunday School zirtirtu te leh puipate pualin Sunday School Seminar neih a ni ang a. He Seminar-ah hian Christian Education Department Director Rev. Zd Rodingliana hovin Sunday School Trainers te – Upa Lalhmukima Kawlni, Upa Lalmuanzuala Sailo, Upa F. Thasiama leh Upa V. Laikhuma te bakah Resource Person pakhat atan Mr. Mayang Long Kumar(Nagaland) te an kal dawn a ni. Inrinni nilengin Seminar Programme an hmang ang a, Pathianni-ah cham chhunzawmin Kohhran hrang hrangah insem darhin hun an hmanpui ang.

Lungchem Pastor Bial pawhin hemi hun chhung vek hian  Lungchem Biak Inah Sunday School Seminar an nei dawn a, Resource person atan Sunday School Promoter Rbt. B. Singpari leh Upa Pc. Vanlalrova, Sunday School Trainer te an kal bawk.  Inrinni nileng a hun an hman hnu-ah Pathianni-ah Bial chhung Kohhran hrang hrangah hun an hmanpui leh ang.

Parva Pastor Bial pawhin  hemi hun chhung tho hian Sunday School Seminar an nei dawn a,  Parva lamah hian  Sunday School Trainers Upa M. Thansiama leh Upa T. Lalsangpuia ten an hmanpui ang. Inrinni nilengin Bial chhung Sunday School zirtirtute leh Sunday School hruaitute hi seminar an neihpui ang a, Inrinni zan, Pathianni zing leh Pathianni zan-ah te Bial chhung Kohhran pahnih-ah rawnbawlna an neih chhunzawm ang.