SUNDAY WITH CHURCHES

(Nau Hnuchham rawngbâwlna, BCO lam thlîrhona)

Kum 50 chuang rawng kan bâwlna NAU HNUCHHAM enkawlna, Baptist Church Orphanage (BCO) chu a rawngbâwlna kalpui thin bâkah Lunglei District atân Fa lâk theihna hmun (Adoption Agency) a lo nih belh leh ta a. Tûnah hian sawrkâr nên thawk hova hma lain kalpui zêl a ni.

BCM Social Concern Committee chuan he lama kan rawngbâwlna leh tûna a dinhmunte hi kohhran mipuite hriat belh tur tamtak awmin a hria a. Chuvâng chuan BCO chungchâng inhriattîrna Programme SUNDAY WITH CHURCHES tih hming puiin neih ni se, Tualchhûng Kohhran leh a hnuaia rawngbâwlna BMP, BKHP, TKP (Jr.telin) leh KNP ten an remchân dân anga helama thawktute sâwma hun hman hona atân tih ni se tiin a rêl a. Thupui pawh hetiang hian a thlang a ni.

  1. BCO Tobul leh a than zêl dân
  2. BCO-a hnathawh kal lai mêk leh tûna a dinhmun
  3. BCO leh Sawrkâr thawhho dân chungchâng
  4. Naupangte nun himna atâna upa zâwkte mawhphurhna
  5. Naupangte chunga hleilenna laka Sawrkâr dânin a humhalh dân
  6. Fa lâk chungchânga hriat tur tûl
  7. BCO rawngbâwlna mamawh
  8. A kal zêl dân tur thlîrhona

Kohhranhote in hun remchang neihzia ang zela a chunga thupui thlante hmanga inpawlhona neih duh chuan Upa MS Dawngliana, BCO Manager hnenah sawmna ziakin emaw Phone-in emaw hmangin thlen ni se, tihhlawhtlin kan lo tum zel dawn nia.

In rawngbâwlpui

 

Sd/- REV. R. ZOHMINGLIANA
Associate General Secretary
i/c Service Department
Baptist Church of Mizoram

 

Posted in BCM News.

admin